Źjavilisia novyja sakratar Rady biaśpieki, ministr abarony i načalnik Hienštaba
U biełaruskich siłavikoŭ siońnia kardynalny pieratrus.
Eks-ministr abarony Andrej Raŭkoŭuznačaliŭ Radu biaśpieki.
Kiraŭnikom Minabarony pryznačany Viktar Chrenin. Raniej jon kiravaŭ vojskami Zachodniaha apieratyŭnaha kamandavańnia.
Viktar Chrenin. fota «Hrodzienskaj praŭdy»
Novy kiraŭnik Hienieralnaha štaba — Alaksandr Valfovič. Jaho papiaredniaja pasada — pieršy namieśnikam kiraŭnika Hienštaba.
Alaksandr Valfovič
***
Viktar Chrenin
Naradziŭsia 1 žniŭnia 1971 hoda ŭ Navahrudku ŭ siamji vajskoŭca. Skončyŭ Usuryjskaje suvoraŭskaje vučylišča (1988), Omskaje ahulnavajskovaje kamandnaje vučylišča (1992) i Vajennuju akademiju Biełarusi (2005).
Usio žyćcio paśla atrymańnia adukacyi słužyŭ u vojsku. U 2014-2015 — načalnik štaba — pieršy namieśnik kamandzira vojskaŭ Zachodniaha apieratyŭnaha kamandavańnia. U 2015-2020 — kamandzir vojskaŭ Zachodniaha apieratyŭnaha kamandavańnia.
Z 2020 — ministr abarony.
Alaksandr Valfovič
Naradziŭsia ŭ 1967 hodzie ŭ Kazani, škołu skančvaŭ u Barysavie. Skončyŭ Maskoŭskaje vyšejnaje ahulnavajskovaje vučylišča, Vajennuju akademiju Biełarusi (1998), Vajennuju akademiju Hienštaba Rasii (2008).
Słužyŭ u Barysavie ŭ 72-m hvardziejskim vučebnym centry. U 2005-2006 słužyŭ u Hienštabie ŭ Minsku.
U 2008-2010 — kamandzir 120-j hvardziejskaj miechanizavanaj bryhady, u 2010-2012 — namieśnik kamandzira vojskami Zachodniaha apieratyŭnaha kamandavańnia, u 2012-2015 — načalnik štaba, pieršy namieśnika kamandzira vojskami Paŭnočna-zachodniaha apieratyŭnaha kamandavańnia, u 2015-2018 — kamandzir vojskaŭ Paŭnočna-zachodniaha apieratyŭnaha kamandavańnia. U 2018-2020 — pieršy namieśnik načalnika Hienštaba.
Z 2020 — načalnik Hienštaba.
