Staŭ viadomy los 31 Lesika, što pracavali na Jeŭrapiejskich hulniach
Fota Ramana Pratasieviča
30 červienia Minsk raźvitaŭsia ź Jeŭrahulniami — i ź ich talismanam zaadno. Dzie ž toj kazačny les, kudy viarnulisia Lesiki, zadałosia pytańniem Jeŭraradyjo
«Lesikaŭ u nas šmat — 31 kaścium. Zaraz jany znachodziacca na sušcy, paśla myćcia. Ich tudy adpravili paśla cyrymonii zakryćcia. Dalej jany buduć u Minsku.
Pra heta raskazaŭ mieniedžar pa kamunikacyjach fondu «Dyrekcyja II Jeŭrapiejskich hulniaŭ — 2019» Alaksiej Bahdanovič. — Niejkaha peŭnaha miesca pakul niama. Pakul što — na składzie, u nas jość roznyja składy dla zachoŭvańnia roznych rečaŭ. Usio budzie vyrašacca na ŭzroŭni ŭrada. Ale jany buduć dzieści tut. Mahčyma, u kahości z našych zasnavalnikaŭ: Ministerstva sportu abo NAK».
Ci źjavicca Lesik jašče kali-niebudź na biełaruskich stadyjonach? Heta naŭrad ci mahčyma. Talisman II Jeŭrapiejskich hulniaŭ moža vykarystoŭvacca tolki ŭ mierapryjemstvach, źviazanych ź imi:
«Pa sutnaści, Lesik užo kančaje svajo padarožža pa Biełarusi. Zrazumieła, što ŭ niejkich mierapryjemstvach jon moža ŭdzielničać: u padviadzieńni vynikaŭ jakich-niebudź, źviazanych niepasredna ź Jeŭrapiejskimi hulniami. Heta pažadańnie Jeŭrapiejskich alimpijskich kamitetaŭ, kab talisman asacyjavaŭsia tolki z takimi mierapryjemstvami», — dadaje Alaksiej Bahdanovič.