Znajści
Ałharytmičny łacinski varyjant
19.03.2019 / 17:562RusŁacBieł

Chto taki Kasym-Žamart Takajeŭ, jaki budzie v.a. prezidenta Kazachstana

Hety palihłot 10 hadoŭ byŭ ministram zamiežnych spraŭ i jašče amal 3 hady — premjer-ministram.

Prezident Kazachstana Nursułtan Nazarbajeŭ sychodzić u adstaŭku. U svaim zvarocie jon paviedamiŭ, što paŭnamoctvy kiraŭnika dziaržavy pierachodziać da staršyni vierchniaj pałaty parłamienta Kazachstana, Kasym-Žamarta Takajeva. Chto taki Takajeŭ? 

65-hadovy Takajeŭ — syn kazachskaha piśmieńnika i vykładčycy zamiežnych moŭ. Jon pačynaŭ karjeru ŭ savieckaj dypłamatyi. Akramia kazachskaj i rasiejskaj moŭ, jon vałodaje anhielskaj i kitajskaj, a taksama ŭ niejkaj stupieni — francuzskaj.

«Jak zasnavalnik niezaležnaj kazachstanskaj dziaržavy baču svaju budučuju zadaču ŭ zabieśpiačeńni prychodu da ŭłady novaha pakaleńnia kiraŭnikoŭ, jakija praciahnuć pieraŭtvareńni, što pravodziacca ŭ krainie, — zajaviŭ Nazarbajeŭ. — Pytańnie pierajemnaści ŭłady ŭ Kazachstanie vyrašana kanstytucyjna. U vypadku daterminovaha spynieńnia paŭnamoctvaŭ dziejučaha prezidenta jaho paŭnamoctvy pierachodziać da staršyni jenatu da zakančeńnia vybarčaha terminu. Zatym adbuducca vybary novaha prezidenta.

Staršynioj Sienata parłamienta ciapier źjaŭlajecca Kasym-Žamart Kiemiełavič Takajeŭ. Vy jaho dobra viedajecie. Jon vypusknik MHIMO, doktar navuk. Svabodna vałodaje anhielskaj i kitajskaj movami. Prajšoŭ vialiki šlach na kirujučych pasadach respubliki. Byŭ ministram zamiežnych spraŭ u hady stanaŭleńnia źniešniaj palityki krainy, pracavaŭ vice-premjer-ministram i premjer-ministram krainy, staršynioj Sienata. Viedaje krainu, jaje ekanomiku i palityku. Vyłučaŭsia i pracavaŭ namieśnikam Hienieralnaha sakratara AAN. Heta było vialikim pryznańniem jaho zasłuh jak dypłamata i znakam davieru da Kazachstana.

Pobač sa mnoj jon pracuje ź pieršych dzion niezaležnaści Kazachstana. Ja dobra jaho viedaju. Jon čałaviek sumlenny, adkazny i abaviazkovy. Padtrymlivaje całkam palityku, što pravodzicca ŭnutry krainy i pa-za jaje miežami. Usie prahramy raspracoŭvalisia i prymalisia ź jaho udziełam.

Ja vieru, što Takajeŭ — mienavita toj čałaviek, kamu my možam davieryć kiravańnie Kazachstanam», — skazaŭ Nazarbajeŭ.

* * *

Kasym-Žamart Takajeŭ atrymaŭ adukacyju ŭ MHIMO. Pa zakančeńni VNU ŭ 1975 hodzie jon pastupiŭ na słužbu ŭ MZS SSSR i byŭ nakiravany na pracu ŭ savieckaje pasolstva ŭ Sinhapury.

U 1983 hodu vyjechaŭ u Kitaj na 10-miesiačnuju stažyroŭku ŭ Piekinskim linhvistyčnym instytucie, a zatym nakiravany ŭ savieckaje pasolstva ŭ Piekinie, dzie pracavaŭ da 1991 hoda na pasadach druhoha sakratara, pieršaha sakratara i savietnika.

U 1992 hodzie Takajeŭ byŭ pryznačany namieśnikam ministra zamiežnych spraŭ Kazachstana, a praz dva hady ŭznačaliŭ MZS krainy. U 1999 hodzie jon zaniaŭ pasadu premjer-ministra Kazachstana, na jakoj prabyŭ try hady.

Z 2002 pa 2007 hod znoŭ uznačalvaŭ MZS Kazachstana, a zatym byŭ abrany staršynioj Sienata parłamienta.

U 2013 hodzie jaho abrali na hety post u druhi raz.

U jakaści ministra zamiežnych spraŭ Takajeŭ ihraŭ aktyŭnuju rolu ŭ śfiery nieraspaŭsiudžvańnia jadziernaj zbroi.

Takajeŭ braŭ udzieł u dziesiaci siesijach Hienieralnaj Asamblei AAN, abiraŭsia Staršynioj Rady ministraŭ zamiežnych spraŭ SND i Šanchajskaj arhanizacyi supracoŭnictva, maje dypłamatyčny ranh Nadzvyčajnaha i Paŭnamocnaha Pasła.

U jakaści kiraŭnika Sienata parłamienta Kazachstana ŭ 2008 hodzie byŭ abrany Vice-prezidentam Parłamienckaj Asamblei ABSIE.

U sakaviku 2011 hoda Hienieralny sakratar Arhanizacyi Abjadnanych Nacyj abviaściŭ pra svajo rašeńnie pryznačyć Takajeva namieśnikam hienieralnaha sakratara AAN, hienieralnym dyrektaram adździaleńnia AAN u Ženievie, a taksama asabistym pradstaŭnikom hienieralnaha sakratara AAN na kanfierencyi pa razzbrajeńni.

Jon taksama źjaŭlaŭsia staršaj słužbovaj asobaj, adkaznaj za zabieśpiačeńnie biaśpieki supracoŭnikaŭ AAN u Šviejcaryi.

Takajeŭ svabodna razmaŭlaje na kazachskaj, ruskaj, anhlijskaj i kitajskaj movach, viedaje francuzskuju movu. Palityk maje navukovuju stupień doktara palityčnych navuk. Aŭtar dzieviaci knih i šmatlikich artykułaŭ pa pytańniach mižnarodnych adnosin.

Siarhiej Hiezhała; fota Ria.ru

Chočaš padzialicca važnaj infarmacyjaj
ananimna i kanfidencyjna?

Клас
0
Панылы сорам
0
Ха-ха
0
Ого
0
Сумна
0
Абуральна
0
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
sakavikkrasavikmaj
PNSRČCPTSBND
1234567
891011121314
15161718192021
22232425262728
2930