Hledačy «Bi-bi-si» nazvali matematyka Ałana Tjurynha najvialikšaj asobaj XX stahodździa
U filmie «Hulnia ŭ imitacyju» Ałana Tjurynha syhraŭ Bieniedykt Kambierbetč
Aŭdytoryja brytanskaj miedyakarparacyi «Bi-bi-si» pryznała matematyka Ałana Tjurynha najvialikšaj asobaj XX stahodździa. Vyniki hałasavańnia padviali ŭ pramym efiry druhoha kanała «Bi-bi-si» 5 lutaha.
Hałasavańnie prajšło paśla pakazu cykła dakumientalnych prahram «Kumiry». Vyjšła siem vypuskaŭ, kožny ź jakich byŭ pryśviečany čatyrom vybitnym pradstaŭnikam u peŭnaj katehoryi. Hledačam prapanoŭvałasia vyznačyć lepšaha ŭ kožnaj z katehoryj, a potym vybrać siarod ich finalista.
Najvialikšymi lidaram byŭ pryznany Nelsan Mandeła, mastakom - Pabła Pikasa, spartsmienam — Machamied Ali, artystam — Devid Boŭi. Tjurynh zavajavaŭ pieramohu ŭ katehoryi «Najbujniejšyja navukoŭcy» i paśla hetaha nabraŭ bolš za ŭsio hałasoŭ u finale.
Matematyk i kryptohraf Ałan Tjurynh najbolš viadomy tym, što jamu ŭdałosia ŭzłamać niamieckuju šyfravalnuju mašynu «Enihma» u časie Druhoj suśvietnaj vajny.
