Chłopčyk pratknuŭ hałavu šampuram naskroź i vyžyŭ FOTA
U ZŠA 10-hadovy chłopčyk upaŭ hałavoj na šampur i pieražyŭ apieracyju pa jaho vyciahvańni z mozha, paviedamlaje BBC.
Fota: CBS.
Incydent adbyŭsia ŭ horadzie Charysanvil, štat Misury. Ksavjer Kaninham (Xavier Cunningham) hulaŭ u domiku na drevie, kali na jaho napali vosy. Uciakajučy ad ich, jon paśliznuŭsia i ŭpaŭ hałavoj na šampur daŭžynioj 30 santymietraŭ, jaki byŭ uvatknuty ŭ ziamlu. Jon uvatknuŭsia ŭ čerap dziciaci kala nosa na 15 santymietraŭ i vyjšaŭ z boku patylicy. Paśla hetaha chłopčyk zmoh padniacca i dajści da chaty.
Maci adviezła dzicia ŭ miascovuju balnicu. Adtul jaho dastavili ŭ kliniku štata Kanzas, a potym i va ŭniviersiteckuju balnicu z-za vysokaj składanaści apieracyi. Lekary zrabili dziciaci renthien i vyjavili, što šampur nievierahodnym čynam nie zakranuŭ vočy, mazhavy stvoł, śpinny mozh i kryvianosnyja sasudy.
Fota: CBS.
Kodžy Ebiersoł (Koji Ebersole), kiraŭnik departamienta endavaskularnaj chirurhii Kanzaskaha ŭniviersiteta, zajaviŭ, što vypadak Kaninhama ŭnikalny: «Nielha navat ujavić sabie lepšaha zychodu. Šaniec na toje, što šampur uvatkniecca ŭ hałavu na 15 santymietraŭ i nie zakranie ničoha z žyćciova važnych orhanaŭ, — adzin na miljon». Bolš za ŭsio, pa jaho słovach, lekary chvalavalisia, jak nie paškodzić sasud na šyi vostrymi hraniami šampura.
Jon nazvaŭ vylačeńnie «čaroŭnym» i adznačyŭ, što zvyčajna ŭ takich situacyjach nie vyžyvajuć. Kaninham idzie na papraŭku, adnak, mahčyma, u jaho mohuć uźniknuć prablemy z hołasam.
