Papa Francišak: Śmiarotnaje pakarańnie — nialudskaja miera
Pra heta Papa Francišak zajaviŭ 11 kastryčnika ŭ Vatykanie padčas uračystaj sustrečy z nahody 25-hodździa padpisańnia Janam Paŭłam II Apostalskaj kanstytucyi «Fidei depositum», piša Radyjo Vatykana.
Papa pažadaŭ, kab u katechizisie Katalickaha Kaścioła naležnaje i adpaviednaje miesca zaniała tema śmiarotnaha pakarańnia.
«Treba z rašučaściu śćvierdzić, što asudžeńnie na śmiarotnaje pakarańnie — heta niečałaviečaja miera, jakaja prynižaje, u peŭnym sensie pieraśleduje čałaviečuju hodnaść. Samo pa sabie jano supraćlehłaje Jevanhiellu, bo rašeńnie spynić čałaviečaje žyćcio, zaŭsiody śviatoje ŭ vačach Tvorcy, apošnim i sapraŭdnym sudździoj i harantam jakoha źjaŭlajecca tolki Boh, prymajecca śviadoma», — skazaŭ Papa.
Pantyfik pažadaŭ, kab u nivodnaha čałavieka, navat zabojcy, nie zabirałasia jaho hodnaść. «Nichto, takim čynam, nie moža być pazbaŭleny nie tolki žyćcia, ale i mahčymaści maralnaha i ekzistencyjalnaha adkupleńnia», — padkreśliŭ pantyfik.
Papa pryznaŭ, što ŭ minułym zvarot da hetaj «krajniaj i niečałaviečaj miery» byŭ pradyktavany adsutnaściu «hramadskaj stałaści i instrumientaŭ abarony.
«Prymiem na siabie adkaznaść za minułaje i pryznajem, što hetyja srodki dyktavalisia bolš lehalistyčnym, čym chryścijanskim myśleńniem», - ličyć pantyfik.
