Charlie Hebdo: dvoje padazravanych abvieščanyja ŭ vyšuk, treci zdaŭsia
Palicyja Francyi apublikavała fatahrafii dvuch čałaviek, jakija padazrajucca ŭ napadzie na redakcyju časopisa Charlie Hebdo.
U vyšuk abjaŭleny braty Kuašy — 34-hadovy Said i 32-hadovy Šeryf. Palicyja papiaredziła, što jany ŭzbrojenyja i niebiaśpiečnyja.
Treci padazravany ŭ napadzie na redakcyju časopisa 18-hadovy Amid Murad, pa paviedamleńniach presy, zdaŭsia ŭ ruki palicyi samastojna i śćviardžaje, što nie maje dačynieńnia da złačynstva.
Jaho siabry napisali ŭ sacsietkach, što Amid Murad byŭ u škole ŭ momant napadu na redakcyju časopisa ŭ sieradu.
Aficyjna hety aryšt pakul nie paćvierdžany.
Šeryf Kuašy ŭžo pryciahvaŭsia da adkaznaści pa abvinavačvańni ŭ teraryźmie ŭ 2008 hodzie - za dapamohu paŭstancam u Iraku. Jon pravioŭ u niavoli paŭtara hoda.
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)