Znajści
Ałharytmičny łacinski varyjant
07.12.2012 / 13:4973RusŁacBieł

Simvałam Minska stanie bieła-błakitny ŭzor, słohanam — Think Minsk

Hrafičnym simvałam horada Minska stanie bieła-błakitny patern (schiema ŭzoru, jaki paŭtarajecca).

Firmovym koleram Minska vyznačany błakitny. Raspracoŭščyki brenda navat prydumali jamu aryhinalnuju nazvu — «Minski błakit». Pa sutnaści, hrafičny znak utvarajuć strohija biełyja linii, raźmieščanyja na błakitnym fonie.
Jon u niejkaj miery vyklikaje asacyjacyi ź sistemnaj płataj, ale zaklikany padkreślivać imknieńnie horada da inavacyj. Pradstaŭniki hramadskaj rady, jakija niadaŭna ŭchvalili kancepcyju vizualnaha stylu brenda Minska, nazvali rašeńnie niečakanym.

Hrafičny simvał płanujecca vykarystoŭvać na roznych nośbitach: ad paštovak i pakietaŭ da darožnych pakazalnikaŭ i hramadskaha transpartu.
Vizualny styl horada aryjentavany adnačasova na žycharoŭ Minska i jaho haściej, u tym liku inšaziemcaŭ.

Anhłamoŭnym słohanam horada Minska stanie «Think Minsk».
I choć jaho naŭrad ci nazavieš asabliva aryhinalnym (rekłamny słohan «Think» karparacyja IBM prydumała jašče da Druhoj suśvietnaj, a ŭ 1997 hodzie kampanija Apple abyhrała ideju ŭ spałučeńni «Think Different»), pa zadumie raspracoŭščykaŭ brenda, jon pavinien dać stanoŭčy efiekt pry pracy z zamiežnaj aŭdytoryjaj.
Rabočy varyjant rasiejskamoŭnaha słohana — «Minsk. Intieriesno», tady jak słohan na biełaruskaj movie jašče nie prydumali.

***

Brend Minska stvaraje brytanskaja kampanija INSTID. Jana vyjhrała konkurs na zakupku pasłuhi pa raspracoŭcy brenda, jaki byŭ abvieščany ŭ siaredzinie červienia tenderavaha centram Minharvykankama. Na ŭdzieł u tendery padadziena 10 zajavak.

Brend Biełarusi treba budzie raspracavać da kanca 2012 hoda. Pieršym bačnym vynikam dla minčukoŭ pavinna stać źjaŭleńnie łahatypa i firmiennaha stylu horada. Akramia taho, ekśpierty pavinny pravieści majstar-kłasy i lekcyi ŭ halinie dyzajnu, fatahrafii i haradskoha afarmleńnia dla biełaruskich śpiecyjalistaŭ.

Taksama brytanskaja kampanija stvaryła firmovy vodar horada i płanuje zaćvierdzić śpis «minskich» straŭ, jakija buduć dastupnyja pa nievysokaj canie.

BiełTA

Chočaš padzialicca važnaj infarmacyjaj
ananimna i kanfidencyjna?

Клас
0
Панылы сорам
0
Ха-ха
0
Ого
0
Сумна
0
Абуральна
0
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
sakavikkrasavikmaj
PNSRČCPTSBND
1234567
891011121314
15161718192021
22232425262728
2930