Знайсці
17.11.2006 / 13:231РусŁacБел

Кітай: Вікіпэдыя зноў даступная карыстальнікам Інтэрнэту

Інтэрнэт-энцыкляпэдыя – Вікіпэдыя – ад сёньня зноў даступная ў Кітаі. Больш як год кітайскія інтэрнаўты ня мелі мажлівасьці ёй карыстацца.

Інтэрнэт-энцыкляпэдыя – Вікіпэдыя – ад сёньня зноў даступная ў Кітаі. Больш як год кітайскія інтэрнаўты ня мелі мажлівасьці ёй карыстацца.

Кітайская моўная вэрсія Вікіпэдыі дазваляе, аднак, пошук выключна апалітычных артыкулаў. Тэмы і артыкулы, што і надалей у Кітаі табу, як, напрыклад, «4 чэрвеня» (дзень крывавай лазьні на пляцы Цьяньаньмэнь у 1989 г.), застаюцца заблякаваныя.

Кітай рутынна блякуе доступ да інтэрнэт-вітрынаў з падрыўным зьместам і фільтруе інтэрнэт-старонкі на наяўнасьць словаў, што могуць скіроўваць да такога зьместу.

Вікіпэдыя была заблякаваная ў Кітаі ў кастрычніку 2005 г.

Нягледзячы на блякаду Вікіпэдыі, рэдактарам якой можа стацца кожны, невялікая колькасьць кітайскіх карыстальнікаў паслугавалася сэрвэрамі проксі і іншымі штучкамі, каб выйсьці на забароненыя старонкі.

Як сьцьвярджаюць аналітыкі, кітайскія ўлады непакоіць ня столькі зьмест Вікіпэдыі, колькі адкрыты працэс яе стварэньня, што ўплывае на пабудову сувязяў і свайго роду супольнасьці між рэдактарамі артыкулаў, здольнымі хутка мабілізавацца, каб папаўняць энцыкляпэдыю зь незвычайнай папулярнасьцю новым зьместам.

Вольга Данішэвіч паводле gazeta.pl

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера