Знайсці
13.09.2010 / 14:414РусŁacБел

Пачаўся паказ мультсерыяла пра аграгарадок

Яго аўтары — стваральнікі скандальнага «Мульклуба»

У эфір інтэрнэт-канала Ару-ТБ выходзіць першая серыя мультфільма «Аграгарадок». У аснове маляванага серыяла — гісторыя стварэння аграгарадка на месцы звычайнага калгасу.

— Натхненне чэрпалі з беларускай рэчаіснасці, — кажа Павал Марозаў, прадусар серыяла «Аграгарадок» і кіраўнік інтэрнэт-тэлебачання АРУ-ТБ. —Так, мы вывучалі аграгарадкі і вёскі па размовах з іх жыхарамі. Напрыклад памятаю абмяркоўвалі гэтую тэму з Алесем Пушкіным, нашым вядомым мастаком, які жыве на сяле і ведае ўсё гэта з уласнага вопыту. Наш серыял не толькі пра вёску і аграгарадок, але ж пра ўсю нашу краіну на гэтым этапе яе развіцця.

Жыхары «Аграгарадка» — персанажы зборныя: тут і хітраваты старшыня, і вечна п’яны механізатар, і дурнаватая працаўніца кафэ. Ёсць сярод герояў серыяла і людзі вельмі незвычайныя, як, напрыклад, немец Ганс, які вырас у ГДР і па-ранейшаму свята верыць у камунізм.

Прыдумляла і малявала «Аграгарадок» тая ж творчая група, што працавала ў свой час над праектам «Мультклуб — народнае тэлебачанне», анімацыйнай пародыяй на беларускі палітычны істэблішмент. Чым жа розняцца ранейшыя «мультклубаўскія» працы ад цяперашняга «Аграгарадка»?

— Асноўнае адрозненне, што нам ужо недастаткова такой першакласнай музы, як наш Аляксандр Рыгоравіч, — дадае Павал Марозаў, — мы глядзім шырэй і само жыццё дае нам шмат натхнення для творчасці ў гэтым кірунку. Да таго ж мы вырашылі адысці ад жанру жорсткай сатыры выкрывальніцкага кшталту і пайшлі ў бок папулярных сацыяльных тэм. Гэта іншы падыход, але ж на мой погляд ён ні ў чым не саступае ранейшаму.

Нагадаем, у 2005 г. стваральнікі «Мультклубу» былі арыштаваныя па абвінавачанні ў паклёпе ў дачыненні да прэзідэнта, але пазбеглі арышту. Як склаўся лёс палітычных мультыплікатараў?

— Ужо шмат часу прайшло з 2005 году, калі гэта ўсё адбывалася, — кажа Марозаў, — Мы з калегам Андрэем Абозавым зараз працуем у Таліне ў галіне грамадскай справы, медыя і ІТ, наш каллега Алег (Мініч. - кар.) яшчэ ў 2005 выбраў асобны шлях, мы згубілі з ім кантакт. Але новыя людзі прыйшлі амаль адразу. Працоўны калектыў зрабіўшы адно мацнейшы.

Да канца года гледачы змогуць убачыць 5 серый «Аграгарадка». Потым сцэнарысты на аснове рэйтынгаў і рэакцый аўдыторыі прымуць рашэнне аб далейшым лёсе праекту.

ЛК

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера