Знайсці
06.02.2023 / 17:11РусŁacБел

Продажы новых аўто ў Беларусі за студзень зменшыліся амаль на 50%

У студзені ў Беларусі прадалі 756 новых легкавых аўтамабіляў, што на 46% менш, чым паказчыкі папярэдняга месяца. У параўнанні са студзенем 2022 года падзенне склала 67%. Пра гэта паведамляе Беларуская аўтамабільная асацыяцыя (БАА).

Самым купляным аўтамабілем у Беларусі застаецца Geely. Брэнд трымае лідарства з чэрвеня мінулага года. За студзень было прададзена 543 машыны гэтай маркі. На другім месцы размясцілася Lada, на трэцім — кітайскі брэнд JAC.

У сваёй справаздачы Беларуская аўтамабільная асацыяцыя адзначыла, што асноўным канкурэнтам для рынку аўто, якія вырабляюцца ў краіне, застаецца «неарганізаваны» ўвоз аўтамабіляў фізічнымі асобамі з выкарыстаннем заканадаўчых ільгот.

Такі тып увозу, па думку экспертаў БАА, перашкаджае прыходу новых кітайскіх, іранскіх і іншых аўтавытворцаў — няма спрыяльнага канкурэнтнага асяроддзя.

Раней паведамлялася, што продажы аўтамабіляў за мінулы год у Беларусі скараціліся ўдвая, а колькасць мадэляў, прадстаўленых на айчынным аўтарынку — у чатыры разы.

Чытайце таксама:

Новыя шэрыя схемы і продаж па даверанасці. Як аўтакамісы, перакупы і перагоншчыкі працуюць у новых умовах

У Беларусі будуць прадаваць іранскія легкавікі

Запусцілі базу даных ужываных машын

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера