Знайсці
31.01.2023 / 20:4515РусŁacБел

«Нарэшце гэтага вырадка ўзялі». У чат-рулетцы з'явіўся яшчэ адзін стукач, па чыіх наводках затрымліваюць людзей

Мазырскі правакатар Юрый Комар — не адзіны, хто вылоўлівае ў чат-рулетцы нелаяльных рэжыму. Яго калега — былы міліцыянт, які прыходзіць у ютуб у медалях. Расказваем, што вядома пра яго асобу.

Ігар Канюшык. Фота: «Аднакласнікі»

Мінчуку Ігару Канюшыку 56 гадоў. Мужчына беспрацоўны, бо мае другую групу інваліднасці. Вядома, што ён праходзіў службу ў Афганістане ў 344-м асобным батальёне аэрадромна-тэхнічнага забеспячэння.

Ігар Канюшык у Афганістане і пасля вайны (у «нулявых»). Фота: «Аднакласнікі» і «Мой Мір»

Пра вайсковую кар'еру Канюшыка нічога не вядома. У сацыяльных сетках мужчыны ёсць некалькі фота з узнагародамі. Акрамя памятных медалёў за вайну ў Афганістане, там ёсць нагрудны знак «Гвардыя» і копія ордэна Чырвонай Зоркі.

На фота відаць не менш за 15 медалёў і ордэн Чырвонай Зоркі. У наземным падраздзяленні мужчына служыў два гады. Скрыншот відэа

Пасля дэмабілізацыі Ігар Канюшык уладкаваўся ў міліцыю. Невядома, да якога звання ён даслужыўся, але ў 1997 годзе быў звольнены за парушэнне працоўнай дысцыпліны. Пазней атрымаў другую непрацоўную групу інваліднасці.

Мужчына даволі актыўны ў інтэрнэце, а таксама любіць гуляць у камп'ютарныя гульні. Разам з жонкай (невядома, ці яны афіцыйна ў шлюбе) гадуе сына.

Фотасесія сына на фоне дывана ў гонар Дня Перамогі. Фота: «Аднакласнікі»

Разам з сынам 9 Мая. Георгіеўская стужка ў Канюшыка прычэпленая ордэнам Чырвонай Зоркі ці яго копіяй. Фота: «Аднакласнікі»

Адметна, што ў 2011 годзе яго затрымлівалі за ўдзел у «маўклівай» акцыі пратэсту 3 ліпеня. Тады ў інтэрв'ю Расійскай службе навінаў ён казаў:

«Я спрабую змяніць сваё жыццё, жыццё людзей, якія жывуць побач, якія змогуць вольна хадзіць па горадзе, якіх не будуць хапаць проста так з натоўпу. Я хачу паказаць, што ёсць незадаволеныя людзі, не ўсім добра жывецца… У мяне пенсія трохі большая за 100 даляраў.

Я прыйшоў у Дзень Незалежнасці рэспублікі, апрануў свой кіцель з медалямі. Я служыў у Афганістане. Я проста стаяў, мяне ўзялі, завялі ў аўтобус, завезлі ў РУУС. Я сядзеў у аўтобусе 5 гадзін. Гэта нармальная краіна?

Менавіта так Ігар Канюшык выглядаў у 2010-2011 гадах. Фота: «Аднакласнікі»

Я гатовы аддаць сваю пенсію [за дабрабыт сваёй краіны]. Я інвалід другой групы. Каб толькі быць незалежным!»

Але, відаць, погляды мужчыны з часам крута перамяніліся. Ягоныя сацсеткі з 2014 года — гэта скарбніца «ватнай» прапаганды з процьмай георгіеўскіх стужак і падпіскамі на розныя прарасійскія рэсурсы.

А ў 2018 годзе мужчыну прызналі вінаватым у тым, што ён выкраў з камеры захоўвання ў «Еўраопце» каля Кунцаўшчыны (у былой краме «Талін») рэчы невядомай жанчыны на 160 рублёў. Па даных «Чорнай мапы Беларусі», спачатку на яго завялі крымінальную справу, але пазней перакваліфікавалі ў адміністрацыйную.

Канал «Дзед Барадзед», які вядзе Канюшык, на самым пачатку

У публічным полі Ігар Канюшык з'явіўся ў 2021 годзе. Тады ён стварыў ютуб-канал «Дзед Барадзед», у якім правакаваў людзей у чат-рулетцы на розныя выказванні і выкладаў гэта ў сеціва. Праўда, відэа ніколі не былі надта папулярнымі, а ягоныя каналы перыядычна выдаляліся. Мужчына не адчайваўся і ствараў новыя. Літары «з» у апошняй версіі канала замяніў на сімвалы расійскай ваеннай прапаганды Z.

Толькі за апошнія чатыры месяцы Канюшык выклаў на свой ютуб-канал каля 20 відэа з правакацыямі. 

У сваіх сацсетках і тэлеграм-канале мужчына глуміцца з смерці беларускіх добраахвотнікаў і радуецца кожнаму затрыманню.

Вядома, што з яго падачы быў затрыманы 23-гадовы Раман Сафонаў з Віцебска. Відэа з хлопцам на канале Канюшыка выйшла 1 снежня. На ім ён выглядае нецвярозым і ў канцы размовы кажа правакатару, што ён быццам «баец Азова» і «будзе спаць з ягонай дачкой». Пасля гэтага да хлопца прыйшоў ГУБАЗіК.

Раман Сафонаў. Фота: «УКантакце»

Адметная рэакцыя самога Канюшыка на затрыманне і здзек з чалавека ў сацсетках.

Скрыншот старонкі Канюшыка ў «Аднакласніках»

Правакатары Канюшык і славуты Юрый Комар знаёмыя паміж сабой, прычым Канюшык пачаў займацца гэтым нават раней. Комар часта дзякуе таварышу за «дапамогу ў мантажы» і піярыць ягоны канал.

Рэклама канала Канюшыка ў Комара. Фота: Youtube

«Наша Ніва» спрабавала звязацца з Ігарам Канюшыкам, але ён праігнараваў наш запыт на каментар.

«Наша Нiва» — бастыён беларушчыны

ПАДТРЫМАЦЬ

Чытайце таксама:

Гэты лукашэнкавец правакуе людзей у чат-рулетцы, а пасля іх затрымліваюць і збіваюць. Расказваем, хто ён

Мёртвыя цягнуць жывых: хваля затрыманняў за каментары пасля смерці Макея. Як засцерагчыся?

«Прагназуе паражэнне Расіі ў вайне і што пасля гэтага ў Беларусі можа пачацца рэвалюцыя». Па даносах лукашыста, які правакуе людзей у чат-рулетцы, затрымалі яшчэ чацвярых

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
0
анатам/адказаць/
01.02.2023
Лукашенко тебя с собой не заберет...
0
Фунт лиха/адказаць/
02.02.2023
Погоди рабе,буде и табе..
0
На таких ябатьки и стоят/адказаць/
02.02.2023
Н-да, вор орденоносец ???
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера