Кнігу Максіма Знака выдадуць па-англійску
Выдавецтва «Scotland Street Press» выпусціць «Зэкамерон» Максіма Знака, напісаны ім у СІЗА, на англійскай мове.
— 100 апавяданняў у «Зэкамероне» заснаваныя на «Дэкамероне» XIV стагоддзя, але Знак бліжэйшы да Бэкета, чым да Бакача. Банальнасць і жорсткасць супернічаюць з чалавечай здольнасцю пераадольваць прыгнёт, — пішуць на сайце выдання.
Кніга паступіць у продаж 1 сакавіка, перадзамову можна зрабіць ужо цяпер.
Нагадаем, што адвакат Максім Знак быў асуджаны на 10 гадоў калоніі.
Яго асудзілі па трох артыкулах Крымінальнага кодэкса Беларусі: публічныя заклікі да дзеянняў, накіраваных на прычыненне шкоды нацыянальнай бяспецы (ч. 3 арт. 361 КК), змова з мэтай захопу дзяржаўнай улады неканстытуцыйным шляхам (ч. 1 арт. 357 КК) і стварэнне экстрэмісцкага фармавання (ч. 1 арт. 361-1 КК). За кратамі Максім Знак з 8 верасня 2020 года.
