Знайсці
23.01.2023 / 19:51РусŁacБел

У Мінску затрымалі аператара Паўла Падабеда

Затрыманне адбылося 21 студзеня. Пакуль невядома, што інкрымінуюць журналісту, піша БАЖ.

На гэты момант дакладна не вядома, ці звязаны арышт 43-гадовага Паўла Падабеда з яго колішняй прафесійнай дзейнасцю.

Вядома, што восенню 2020-га Паўла затрымлівалі пасля адной з акцый пратэсту.

У ранейшыя гады яго таксама не раз затрымлівалі за справы, звязаныя з выкананнем ім яго абавязкаў. Пасля прэзідэнцкіх выбараў 2010 года і наступнай пратэснай актыўнасці грамадства журналіста разам з іншымі калегамі неаднаразова дастаўлялі ў аддзяленні міліцыі — як, напрыклад, за асвятленне «маўклівых шэсцяў» 2011-га ў межах акцыі «Рэвалюцыя праз сацыяльныя сеткі» альбо перфомансаў падчас датэрміновага галасавання ў «парламент» ад кампаніі «Гавары праўду».

Паводле інфармацыі Беларускай асацыяцыі журналістаў, за кратамі цяпер знаходзяцца 32 прадстаўнікі медыя.

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера