Знайсці
20.01.2023 / 18:41РусŁacБел

Украінскі кот Сцяпан трапіў на вокладку часопіса Times Monaco

Кот Сцяпан з украінскага Харкава, вядомы дзякуючы блогу з 1,3 млн падпісантаў, трапіў на вокладку часопіса Times Манака, піша «Украінская праўда». І гэта невыпадкова.

У сакавіку 2022 года ката, які ўжо тады быў зоркай інтэрнэту, вывезлі з Харкава ў Манака. У гэты час яго блог не абнаўляўся. Толькі пасля гаспадыня ката Ганна паведаміла, што яны са Сцяпанам у бяспецы і знайшлі прытулак у Еўропе.

«Доўгім і складаным быў для нас шлях з Харкава, які пастаянна цярпеў ракетныя абстрэлы. Манака было першым месцам у Еўропе, куды мы дабраліся і дзе знайшлі прытулак. Мы жылі там два месяцы і атрымалі вялікую дапамогу, падтрымку і клопат ад мясцовых жыхароў. І мы шчыра ўдзячныя за нашу бяспеку», — кажа гаспадыня ката Сцяпана.

Паводле яе слоў, прыгожая прырода і добрае стаўленне людзей дапамаглі сям'і акрыяць ад жахаў вайны.

Кот Сцяпан і ягоная гаспадыня сабралі тысячы еўра для дапамогі жывёлам, якія пацярпелі ад вайны.

Не так даўно кот вяртаўся ў родны Харкаў, на яго старонцы былі апублікаваныя фота на фоне абстраляных дамоў. Затым сям'я пераехала ў Львоў. 

Таксама ў Сцяпана з'явілася сяброўка — кошка Стэфанія, з якой ён цяпер жыве разам.

Стэфанія і Сцяпан

Стэфанія ў Харкаве

Кот Сцяпан праславіўся дзякуючы эфектнаму фота, на якім ён сядзіць за сталом і абапіраецца на локаць, як чалавек

Сцяпан рыхтуецца да сну 

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера