Легкавік збіў двух дарожнікаў каля Салігорска, адзін застаўся без нагі
Двое дарожных рабочых атрымалі сур'ёзныя траўмы ў выніку аварыі ў Салігорскім раёне, паведамілі ва ўпраўленні ДАІ Мінаблвыканкама.
ДТЗ адбылося раніцай у аўторак, 17 студзеня, на другім кіламетры дарогі Н-9669.
Паводле звестак ДАІ, 68-гадовы мужчына, які знаходзіўся за рулём машыны Opel Meriva, збіў 46-гадовага рабочага, а затым урэзаўся ў аўтамабіль ГАЗ, які стаяў побач.
У выніку пацярпела двое дарожнікаў — іх хуткая дапамога даставіла ў адну з мясцовых бальніц. Абодва рабочыя былі траўмаваныя, прытым адзін з іх страціў нагу.
Як праінфармавалі ў Дзяржінспекцыі, месца правядзення рамонтных работ на дарозе было пазначана. Па факце аварыі ўжо завялі крымінальную справу.
0
0
0
1
6
3
Каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера