Знайсці
13.01.2023 / 18:083РусŁacБел

Каталікі папрасілі дапамагчы вырашыць пытанне Чырвонага касцёла чалавека, знаёмага з Ватыканам «як ніхто іншы»

Парафія мінскага Чырвонага касцёла звярнулася з лістом да міністра замежных спраў Сяргея Алейніка з просьбай паспрыяць вернікам у магчымасці як найхутчэй вярнуцца ў свой храм.

Чырвоны касцёл. Фота з сацсетак

«Ужо чацвёрты месяц вернікі-парафіяне, а іх у парафіі больш за дзесяць тысяч, пазбаўленыя свайго храма, а дзеці — магчымасці наведваць нядзельную школу», — гаворыцца ў лісце чыноўніку ад парафіі.

Вернікі звярнулі ўвагу, што загаранне адбылося ў прыбудове (канцылярыі) і закранула ўсяго толькі 20 кв. м плошчы, а «наконт прычыны інцыдэнту-загарання — супярэчлівая інфармацыя».

«Вы доўгія гады прадстаўлялі Беларусь у Ватыкане і як ніхто іншы ведаеце духоўна-міратворчую накіраванасць дзейнасці Апостальскай Сталіцы», — падкрэсліў касцельны камітэт.

Рэч у тым, што Сяргей Алейнік у 2002—2009 гадах быў пастаянным прадстаўніком пры ААН і іншых міжнародных арганізацыях у Жэневе, паслом пры Апостальскай Сталіцы і Мальтыйскім Ордэне. Пазней ён захоўваў за сабой функцыі кіраўніка дыппрадстаўніцтва ў Ватыкане.

Чырвоны касцёл зачынілі для вернікаў і святароў пасля пажару, які адбыўся 26 верасня. Праз нейкі час парафіянам выдзелілі памяшканне ў Кафедральным касцёле. У пачатку снежня стала вядома, што адміністратарам касцёла прызначаны Юрый Санько, а ранейшы пробашч, ксёндз Уладзіслаў Завальнюк, ад кіравання касцёлам адхілены. 

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
1
Поклоняйтесь Луке/адказаць/
13.01.2023
Церковь жива верой, а не кирпичами.
13.01.2023
[Рэд. выдалена]
7
відьмаявідьма/адказаць/
13.01.2023
>а дзеці — магчымасці наведваць нядзельную школу»,

и эти ,,святые люди,, прикрываются детьми...

а подумали хоть - оно детям надо?
после 5-6 дней просто школы, секций и кружков
потом еще и воскресная школа?
и что хорошего в воскресной школе?

и когда детям отдыхать?

Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера