Нерухомасць, да якой варта прыгледзецца. Хутка там з’явіцца метро
На паўднёвай ўскраіне сталіцы будуюцца адразу тры станцыі метро другой чаргі Зеленалужскай лініі — «Аэрадромная», «Немаршанскі сад» і «Слуцкі гасцінец». Яны павінны змяніць там жыццё. «Куфар» распавёў, якія кватэры прадаюцца ці здаюцца побач з важнай будоўляй.
«Аэрадромная»
Тэрміны здачы ў эксплуатацыю станцый увесь час пераносяцца. «Аэрадромная» мае самую высокую ступень гатоўнасці ў параўнанні з астатнімі. Аздобныя работы набліжаюцца да фінальнай стадыі, спецыялісты пачалі мантаж абсталявання, пішуць «Мінск-Навіны». Абслугоўваць «Аэрадромная» будзе густанаселены раён сталіцы — «Мінск-Свет».
Раён скрыжавання вуліц Аэрадромная і Чкалава, а таксама кругавога праезда вакол будынка старога аэравакзала, да якога падыходзяць вуліцы Нікола Тэслы, Ігара Лучанка і Леаніда Левіна. Гэты раён — рэкардсмен па колькасці кватэр у продажы — цяпер на «Куфар Нерухомасць» іх можна купіць больш за 4300. Толькі ў дамах, якія размешчаны ўшчыльную да будучай станцыі «Аэрадромная», даступныя для куплі больш за 800 кватэр.
Бліжэй за ўсё да ўвахода ў будучую станцыю — дом пад назвай «Стамбул». Тут прадаецца вялізная колькасць кватэр, але не так шмат варыянтаў з аздабленнем. Вось, напрыклад, «еўрадвушка» коштам 126 999 USD. Яна пазіцыянуецца як «VIP-апартаменты, эксклюзіўны праект ад вядомага дызайнера з Масквы».
Кватэра цалкам гатова да пражывання. Аздабленне выканана з высакаякасных еўрапейскіх матэрыялаў. З Еўропы прывезены бытавая тэхніка, сантэхніка і мэбля.
Агульная плошча кватэры 65 м². Яна размешчана на 17-м паверсе 25-павярховага дома.
У суседнім доме пад назвай «Фларэнцыя» 2-пакаёвая кватэра яшчэ меншага метражу (44 м ²) прадаецца за 82 900 даляраў. Тут таксама зроблены рамонт высокага ўзроўню. Дапаўняюць карціну 3-метровыя столі.
Дарэчы, спадабаецца гэтая кватэра аматарам уражальных відаў з акна, бо знаходзіцца яна на 25-м паверсе.
Магчыма, яшчэ больш важная наяўнасць метро для тых, хто кватэру арандуе. Бо, як правіла, на ўласны аўтамабіль такія людзі яшчэ не назапасілі.
Каля будучай «Аэрадромнай» ёсць некалькі вельмі цікавых прапаноў па доўгатэрміновай арэндзе. Усё ў тым жа «Стамбуле» можна зняць 3-пакаёвую кватэру за 800 даляраў. Абяцаюць якасны рамонт па дызайн-праекце, убудаваную бытавую тэхніку, у тым ліку пасудамыйку, новую корпусную мэблю і нават асобную гардэробную.
Кватэра здаецца ўпершыню.
Ёсць добрыя варыянты і ў старой забудове на другім баку вуліцы Аэрадромная. 450 даляраў просяць за «двушку» з мэбляй і рамонтам.
У раёне «Мінск-Свет» будавалася даволі шмат інвестыцыйнага жылля, якое зараз выйшла на рынак пасутачнай арэнды. Вось прыклад якаснай 2-пакаёвай кватэры, за арэнду якой за суткі давядзецца выкласці 65 рублёў.
Ад 85 рублёў давядзецца аддаць за кватэру, якую можна забраніраваць на суткі анлайн. Гэта стыльная кватэра-студыя, у якой ёсць усё неабходнае для камфортнага пражывання: ад Wi-Fi да ручнікоў, посуду і сталовага начыння.
«Немаршанскі сад»
Станцыя «Немаршанскі сад» размесціцца каля Бальніцы хуткай медыцынскай дапамогі, на скрыжаванні вуліц Кіжаватава і Асіповіцкай. Акрамя БХМД, тут яшчэ дзве буйныя і важныя для ўсяго Мінска лячэбныя ўстановы — РНПЦ траўматалогіі і артапедыі і Дзіцячая бальніца №3.
На гэтай станцыі пабудаваны пакуль толькі асноўныя канструкцыі. Цяпер кіпіць праца над другім уваходам і вентыляцыйным каналам. Пачынаюць аздабленне.
Шматпавярховых жылых дамоў тут няшмат, таму і прапаноў куплі кватэр на «Куфар Нерухомасць» няшмат — менш за 20 .
Вось пара цікавых прапаноў паблізу будучай станцыі.
54 000 даляраў просяць за кватэру-студыю агульнай плошчай 41,4 м². Яна знаходзіцца ў цагляным доме 1997 года пабудовы. Уся праводка і сантэхнічныя трубы заменены. Сцены выраўнаваны і афарбаваны. Таксама прыцягваюць увагу да аб'явы высокія столі і вялікія вокны.
Непадалёк прадаецца светлая 3-пакаёвая кватэра агульнай плошчай 78 м² за 70 500 даляраў. У 2021 годзе дом перажыў капітальны рамонт. Частка вокнаў выходзяць на парк «Немаршанскі сад», частка — у двор.
Не так шмат у раёне перадапошняй станцыі Зеленалужскай лініі метро прапаноў па працяглай арэндзе, але яны ёсць.
450 USD просяць за 2-пакаёвую кватэру з рамонтам. Прыцягваюць увагу да прапановы панарамныя «французскія» вокны ў кухні-сталовай.
Аналагічная цана на 3-пакаёвую кватэру. Тут зроблены рамонт і ёсць неабходная мэбля, а таксама бытавая тэхніка, у тым ліку пасудамыйка і бойлер, які дапаможа ў час планавага адключэння гарачай вады.
«Слуцкі гасцінец»
Апошняя станцыя Зеленалужскай лініі «Слуцкі гасцінец» будуецца на скрыжаванні вуліц Кіжаватава і Сярова.
Пакуль будаўнікі працуюць над платформай і вестыбюлем, крыху пазней пачнуць працаваць з уваходамі.
Да будучай станцыі прымыкае зусім невялікі масіў жылой забудовы, якая ёсць толькі з аднаго з чатырох бакоў скрыжавання. Таму і прапанова на «Куфар Нерухомасць» сціплая — менш за 20 кватэр, якія можна купіць.
Затое і цэны на жыллё тут умераныя.
69 500 даляраў просяць за 3-пакаёвую кватэру агульнай плошчай 65 м². Яна знаходзіцца на апошнім, 9-м паверсе панэльнага дома 1977 года пабудовы.
На тысячу танней 3-пакаёвая кватэра агульнай плошчай 60,8 м². Яна на 6-м паверсе 8-павярховага дома, размешчанага ў дварах.
Абмежаваная тут і прапанова па доўгатэрміновай арэндзе. А жылля, якое можна арандаваць на суткі, няма зусім.
