Знайсці
09.01.2023 / 19:423РусŁacБел

Аблава ГУБАЗіКа адбылася ў раёне Чкалава—Варанянскага. Што вядома?

Некалькі крыніц паведамілі «Нашай Ніве», што ў раёне вуліц Чкалава і Варанянскага ў Мінску — у раёне, які называюць «Чкалаўскім» або «раёнам Старога Аэрапорта», некалькі дзён таму адбыліся затрыманні.

Фота: Чкалаўскі | Інфа-канал

Першую інфармацыю пра затрыманні «Наша Ніва» атрымала 6 студзеня. Пасля мы здабылі і пацвярджэнне гэтай інфармацыі.

Па нашых звестках, большасць затрыманых — тыя, хто некалі быў у чатах мікрараёна. Адна з крыніц паведаміла нам пра 32 затрыманых, але мы не змаглі знайсці другое пацвярджэнне гэтай лічбы. Але даставерна вядома пра некалькіх затрыманых, але не дзясяткі.

«У нас ёсць толькі інфармацыя пра некалькі затрыманых на мінулым тыдні. Магчыма, гэтую тэму спрабуюць раздзьмуць, каб застрашыць актыўных людзей, — адказалі на запыт «Нашай Нівы» ў бот канала. — Іншай інфармацыяй аб масавых затрыманнях мы не валодаем. Дзякуем за зварот да нас і праверку інфармацыі. Разам да перамогі!»

Чкалаўскі — гэта раён Мінска, абмежаваны вуліцамі Чкалава, Магілёўскай, Валадзько і Аэрадромнай. Рупар актыўнасцяў раёна — канал «Чкалаўскі | Інфа-канал». У 2020 годзе гэты раён таксама галасаваў за Ціханоўскую і вылучаўся пратэставай актыўнасцю. Там праходзілі і дваравыя маршы.

Мікрараён Чкалаўскі. Фота: office.by

Ведаеце, што адбылося ў «Чкалаўскім»? Пішыце рэдактару ў яго асабісты Telegram-акаўнт, на email [email protected] або тым журналістам, якіх вы ведаеце асабіста.

Нагадаем, незадоўга да гэтага адбылася аблава ў мінскім мікрараёне Чыжоўка, падчас якой затрымалі не менш за два дзясяткі чалавек. Некаторых затрыманых білі.

Чытайце таксама:

Чарговая аблава ГУБАЗіКа — гэтым разам на жыхароў мінскай Чыжоўкі

Як пачысціць тэлеграм-боты, каб не засталося ніякіх слядоў ВІДЭА

Тлумачым, якім чынам сілавікі знаходзяць карыстальнікаў Telegram і як гэтага пазбегнуць

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
09.01.2023
патрулёў заўчора (7.7.) было шмат. па трое фланіравалі па мясцовасьці, нічога асаблівага, апроч таго што іх тут у такой колькасьці вельмі даўно ня бачыў. сёньня сябар з Варшавы пытаецца: "Ты як там, жывы?" -і на пытаньне "А што такое?" ён даслаў лінк на артыкул НН.
09.01.2023
Известно, что 28 лет диктатура. 
0
маскоўскі рэйх будзе знішчаны/адказаць/
10.01.2023
Трымайцеся хлопцы. І меньш грошаў рэжыму!
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера