Знайсці
05.01.2023 / 22:283РусŁacБел

Аляксей Данілаў пра пуцінскае «перамір'е»: Мы вас будзем грызці ў спяваючай цішыні ўкраінскай ночы

Украінцы прапанову Пуціна аб калядным «перамір'і» адхілілі, прытым зрабілі гэта ў падкрэслена грубым тоне. Спачатку дарадца Офіса прэзідэнта Украіны Міхаіл Падаляк назваў яе крывадушнай, а пасля сакратар Рады нацыянальнай бяспекі і абароны Украіны Аляксей Данілаў выказаўся яшчэ больш рэзка.

Аляксей Данілаў. Фота: AP Photo/Hanna Arhirova

«Якое дачыненне да хрысціянскага свята Раства мае зграя дробных крамлёўскіх чарцей-іблісаў? Хто паверыць брыдоце, якая забівае дзяцей, абстрэльвае радзільні, катуе палонных? Рэжым спынення агню? Хлусня і крывадушнасць. Мы вас будзем грызці ў спяваючай цішыні ўкраінскай ночы», — напісаў Данілаў у твітары.

Замежных партнёраў Украіны прапанова таксама не ўразіла. Прэзідэнт Джо Байдэн пракаментаваў прапанову Крамля Украіне аб 36-гадзінным спыненні агню ў сувязі з Калядамі. 

Выступіўшы сёння з прамовай аб сітуацыі на мяжы з Мексікай і праблемах міграцыі, Байдэн пагадзіўся адказаць на пытанні журналістаў. Адзін з іх папрасіў кіраўніка Белага дома пракаментаваць прапанову Пуціна.

«Я думаю, ён спрабуе атрымаць перадышку», — сказаў Байдэн.

Стрымана адрэагаваў і генеральны сакратар ААН Антоніу Гутэрыш. Ён сказаў, што ўвогуле вітаў бы любое перамір'е на Каляды, але «помнячы пры гэтым, што яно не можа замяніць проста мір у адпаведнасці са статутам ААН і міжнародным правам».

Раней Крэмль заявіў пра аддадзены Пуціным загад аб спыненні агню па ўсёй лініі баявога судакранання бакоў ва Украіне ў перыяд святкавання праваслаўнага Раства з 12 гадзін дня ў пятніцу. Гэты загад рэзка асудзілі нават расійскія «ваенкары», у некаторых з іх пайшлі нават адкрытыя абразы на адрас крамлёўскага кіраўніцтва. 

Чытайце таксама:

У Зяленскага назвалі крывадушным загад Пуціна аб «калядным перамір’і»

«Вы там …анулись …яди …аные кремлевские?» Расійскіх блогераў і ваенкараў парвала ад навіны пра перамір’е

Пачалася «барацьба за мір»: Пуцін даручыў Шайгу спыніць агонь на Каляды

Патрыярх Кірыл просіць пра каляднае перамір'е на паўтара дня

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
1
Суддзя ў адстаўцы/адказаць/
05.01.2023
Для кремля сейчас нет хороших решений. Кроме одного, которое они не хотят принимать. Поэтому для них вообще нет никаких решений. Только разгром, проигрыш, всемирный позор, бедность и отсталость страны в целом и населения в частности. Страна жертва военных преступников у власти. Страна жертва собственной истории.
0
Омега/адказаць/
06.01.2023
Псевдо империя под управлением кгб, которое захватило власть в рашке и Беларуси, привело своим повышением ставок к самоуничтожению. Логический конец людоедского режима. Жыве Беларусь!
1
Чаркашкварка/адказаць/
06.01.2023
Трапна сказана пра чарцей. Есць яшчэ адзiн такi ж чорт сiпаты, такiж пуцiнскi злачынца i саудзельнiк, свае атрымае яшчэ.
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера