Цана газу ў Еўропе ўпала ніжэй за 800 даляраў
Каціроўкі газавых кантрактаў на біржавых пляцоўках Еўропы па выніках таргоў у аўторак, 3 студзеня, страцілі каля 10%, знізіўшыся да адзнакі 773 даляраў за 1000 кубаметраў. Такія, у прыватнасці, даныя Лонданскай біржы ICE.
Фота: forbes.ua
Лютаўскія ф’ючарсы па індэксе нідэрландскага хаба TTF адкрылі таргі раніцай з адзнакі 870 даляраў за 1000 кубаметраў (плюс 2,4%). Гэта максімальныя значэнні гандлёвага дня. А мінімум быў дасягнуты на закрыцці гандлёвай сесіі — 773 даляры.
Аналітыкі звяртаюць увагу на тое, што ў ЕС усталявалася анамальна цёплае надвор’е. Цалкам вясновыя 10-15 °С пратрымаюцца ў рэгіёне як мінімум да сярэдзіны студзеня. Пры гэтым ветрагенерацыя зараз выйшла на максімальную долю ў энергабалансе — на ўзроўні каля 34%.
Раней паведамлялася, што апошні раз цэнавы мінімум быў дасягнуты 28 снежня 2022 года, калі біржавыя цэны на газ у Еўропе апусціліся да 837 даляраў за 1000 кубаметраў.
Чытайце таксама:
Цана на газ у Еўропе апусцілася да мінімуму з лютага. Вось у чым прычына
