Булачкі з карыцай. Стары рэцэпт сям’і столінскай шляхты
Смак свежай выпечкі ўздымае настрой, а пах карыцы дадасць цеплыні ў гэтыя зімовыя дні.
Сухія дрожджы з разліку на 1 кг мукі развесці ў шклянцы злёгку цёплага (не гарачага!) малака і дадаць 1 чайную лыжку цукру. Паставіць у цёплае месца, пакуль не зашумяць.
Муку прасеяць.
2 яйкі з паловай шклянкі цукру расцерці да аднароднай масы.
100 грамаў масла растапіць і астудзіць.
Змяшаць муку, яйкі і масла, уліць дрожджы і замясіць цеста. Цеста мусіць адставаць ад рук, міскі, але не быць крутым. Сфармаваць шар, накрыць вільготным ручніком і даць пастаяць гадзінку ў цёплым месцы, каб падышло.
Карыцу змяшаем з цукрам (карычневы + белы, напалову).
Цеста яшчэ раз перамінаем, дзелім на два кавалкі. Раскачваем кавалак у прамавугольнік, змазваем злёгку растопленым маслам і пасыпаем цукрам з карыцай. Скручваем у рулет.
Рулет наразаем на кавалачкі 5—7 см, зашчыпваем з аднаго боку і выкладваем на змазаную алеем бляху. Тое ж робім і з другім кавалкам.
Выпякаем пры тэмпературы 180 градусаў да гатоўнасці.
2 лыжачкі мяккага размякчанага масла змешваем з 4 лыжкамі маскарпонэ ці падобнага да яго сыру і дадаём цукровую пудру. Гарачыя булачкі змазваем крэмам і даём высахнуць.
Смачна есці!
а на прадмет князёў, рабочых і сялянак, памятаецца, добра шчапіліся так, што нават Рэд. не стрываў і ўмяшаўся ў наш з вамі "прыват" і ў выніку нават падарыў мне яхту
вось толькі дасюль не магу зразумець - а яхта-то дзе? ну пэўна скралі на пошце