Знайсці
05.12.2022 / 23:329РусŁacБел

Паглядзіце, якая падтрымка ў зборнай Харватыі на ЧС. Фанатку не пужае нават штраф за дэкальтэ

Увечары 5 снежня харвацкая зборная згуляла ў 1/8 з японцамі і ў серыі пенальці вырвала пуцёўку ў наступны раўнд (1:1, 1:3 у пенальці). З трыбун катарскага стадыёна Эль-Джануб за гульнёй назірала Івана Кнол — дзяўчына, якую называюць самай гарачай фанаткай на гэтым турніры.

Фота: АР

Іване Кнол 30 гадоў, у Харватыі яна — вядомая інстаграм-мадэль з 1,3 мільёна падпісчыкаў. Дзяўчына родам з Франкфурта, а ў харвацкі Заграб сям’я Іваны пераехала, калі той было сем гадоў. У 2016 годзе Кнол прайшла ў фінал конкурса прыгажосці «Міс Харватыя» і, па некаторых крыніцах, выйграла яго, пасля чаго пачалася яе паспяховая мадэльная кар’ера. У дадатак да яе Івана мае ўласны бізнэс — яна заснавала брэнд купальнікаў. Што да інстаграма, Кнол стала папулярнай дзякуючы сваёй зацікаўленасці танцам жывата і з шастом.

Да турніру ў Катары дзяўчына наведвала чэмпіянаты свету ў 2014 і 2018 гадах, але катарскі мундыяль стаў для яе самым скандальным. Рэч у тым, што катарскае ўпраўленне турызму раней прасіла замежных турыстаў, якія прыедуць на турнір, паважаць норавы краіны: пазбягаць занадта адкрытага адзення, прыкрываць плечы і калені. Не кажам пра тое, што і пастаянныя жыхары і жыхаркі Катара мусяць прытрымлівацца гэтых правілаў. 

На першую гульню харвацкай зборнай — групавы матч з Марока — мадэль апранула доўгую сукенку і пакрыла галаву, праўда, у сукенцы было заўважнае дэкальтэ. Вось гэты вобраз:

Аказалася, што гэта быў толькі пачатак эпатажу ад Іваны Кнол. Напрыклад, яна выклала відэа, дзе бяжыць па пляжы ў адным бікіні ў нацыянальных харвацкіх колерах.

І хаця ў Катары ёсць пляжы, дзе так хадзіць дазваляецца, такая падтрымка каманды выклікала вялікі хейт у бок дзяўчыны. У каментарах да правакацыйных кадраў шматлікія карыстальнікі абвінавачваюць Івану, што ёй не хапае павагі да Катара і яго культуры і што яна ганьбіць сваімі паводзінамі Харватыю. Ды і Кнол правакуе ўвагу не толькі на пляжах еўрапейскага ўзору — вось, напрыклад, яе шпацыр проста на фоне катарскіх хмарачосаў:

Праўда, усё гэта толькі прыносіць дзяўчыне новых падпісчыкаў у інстаграме. Івана не думае спыняцца і на крытыку ў свой адрас адказвае крытыкай у бок арганізатараў турніру: «Гэта катастрофа! Мне шкада ўсіх людзей, якія не змогуць паехаць на чэмпіянат свету па футболе з-за найгоршай арганізацыі ў гісторыі. Зразумела, чаму так шмат людзей не пажадалі ўдзельнічаць у гэтым цырку!»

Фота: АР

Паводле Іваны, калі яна прачытала правілы паводзін у мусульманскай краіне, зразумела, што ў яе гардэробе проста няма адзення, якое б прыкрывала ўсё, што трэба. Так што дзяўчына працягвае эпаціраваць катарцаў, не зважаючы на тое, што за такія паводзіны ў гэтай краіне можа атрымаць вялізныя штрафы ці нават трапіць у турму.

Выглядае, што мясцовыя нарэшце змірыліся з яе стылем адзення, зацікавіліся яркай заўзятаркай і таму фатаграфуюць яе:

Але футбольнае выданне Marca спасылаецца на катарскага бізнэсмена Махамеда Хасана Эль-Джэфайры, які падзяліўся ў сацсетках меркаваннем, што катарцы фатаграфуюць Івану не праз захапленне яе прыгажосцю, а хутчэй каб паведаміць у належныя службы пра непрыстойна апранутую іншаземку.

Тым часам зборная Харватыі ўжо крочыць у чвэрцьфінал ЧС — чым не падстава для Іваны Кнол выгуляць новы яркі ўбор?

«Наша Нiва» — бастыён беларушчыны

ПАДТРЫМАЦЬ

Топ-11 самых гарачых футбалістаў чэмпіянату свету (+ лаўка запасных і трэнер)

Маркус Рэшфард, герой матча Англія—Уэльс і чалавек з цяжкім дзяцінствам

Мемы, здрада і прычоска: гэты француз двойчы забіў Аўстраліі, але праславіўся не толькі футболам

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
06.12.2022
резиновая зина, тоже красиво. 
0
во блин гоблен/адказаць/
07.12.2022
МБВД
0
Максим Дизайнер/адказаць/
07.12.2022
Медведь из кустов в шоке!
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера