Знайсці
04.12.2022 / 13:011РусŁacБел

Грузінскія добраахвотнікі трапілі ў акружэнне пад Бахмутам. Пяцёра байцоў загінула

Усяго ад пачатку вайны загінулі 33 грузіны, якія ваявалі на баку Украіны.

Пад горадам Бахмутам Данецкай вобласці, які на працягу некалькіх месяцаў спрабуюць узяць «вагнераўцы», у акружэнне патрапіла група добраахвотнікаў з Грузіі, у выніку быў паранены камандзір, а пяцёра байцоў — загінулі.

Пра гэта ў эфіры грузінскага апазіцыйнага тэлеканала «Мтавары» паведаміў добраахвотнік Рамэа Парулава, перадае «Еўрапейская праўда».

Паводле яго слоў, загінулыя служылі ў 57-й брыгадзе з сакавіка 2022 года. «Камандзір паранены. Астатнія хлопцы разам з нашымі братамі-ўкраінцамі акружаныя. Працягваецца барацьба, каб вывесці тых, хто застаўся жывы, і вынесці целы нашых загінулых», — сказаў Парулава.

У суботу прэзідэнт Грузіі Саламэ Зурабішвілі выказала спачуванні ў сувязі з гібеллю добраахвотнікаў. «У гэтыя цяжкія хвіліны прыношу свае спачуванні сем'ям, сябрам і сваякам усіх грузінскіх байцоў, якія загінулі ва Украіне», — напісала Зурабішвілі ў Facebook.

На баку Украіны цяпер ваюе да 1500 грузінскіх байцоў. Частка жыла ва Украіне, частка — прыехала пасля пачатку вайны як добраахвотнікі. Першы грузін-добраахвотнік загінуў 18 сакавіка. Па стане на 4 снежня ў баях на баку УСУ загінулі 33 грузіны.

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
04.12.2022
Вечная памяць героям!
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера