Знайсці
02.12.2022 / 11:14 15

Слухачы ў постсавецкіх краінах адмаўляюцца ад расійскай музыкі. У Беларусі таксама 

Колькасць песень расійскіх музыкаў, якія ўваходзяць у топ-10 самых папулярных у Apple Music, за год скарацілася амаль ва ўсіх постсавецкіх краінах, акрамя Арменіі.

Колькасць кампазіцый расійскіх выканаўцаў, якія ўваходзяць у рэйтынг найбольш папулярных песень сярод жыхароў былых рэспублік СССР, за год скарацілася амаль ва ўсіх гэтых краінах. Гэта вынікае з праведзенага РБК аналізу статыстыкі сэрвісу Apple Music, які фарміруе топ-100 самых папулярных кампазіцый па краінах свету. Аналагічны топ не створаны толькі для Грузіі (у Apple не тлумачаць, чаму хіт-парад менавіта для гэтай краіны адсутнічае). 

Як за год змяніліся хіт-парады постсавецкіх краін

Год таму, у снежні 2021-га, кампазіцыі расійскіх выканаўцаў былі запатрабаваны практычна ва ўсіх постсавецкіх краінах. Больш актыўна прадстаўнікоў расійскай эстрады, акрамя самой Расіі, слухалі ў Малдове і ва Украіне (там ім належала па дзевяць радкоў рэйтынга з дзесяці). Пры гэтым найменш папулярнымі расійскія музыканты былі ў Літве, жыхары якой аддавалі перавагу брытанцам Adele, Элтану Джону і Эду Шырану. У топ-10 гэтай краіны ўдалося трапіць толькі Люсі Чабоцінай і дуэту «Мумій Троля» і Дані Мілохіна.

Найбольш істотныя змены за год адбыліся ў перавагах украінскіх карыстальнікаў.

Калі год таму амаль увесь топ-10 для гэтай краіны быў прадстаўлены расійскімі музыкамі і толькі дзявятае месца займаў украінец Іван Дорн, то зараз адзінай расійскай спявачкай, якая трапіла ў рэйтынг, стала Instasamka з песняй «За грошы так».

Шэсць радкоў з дзесяці займаюць украінскія выканаўцы, яшчэ два — амерыканцы Lady Gaga і Eminem.

Сурʼёзныя змены адбыліся ў рэйтынгу Apple Music у Казахстане. Калі ў снежні 2021 года сем песень з топ-10 былі выкананы або расійскімі музыкантамі, або іх дуэтамі з казахстанскімі выканаўцамі, то зараз адзінай расійскай спявачкай у рэйтынгу зʼяўляецца Instasamka, якая займае дзявятае месца. Пры гэтым у хіт-парадзе павялічылася колькасць уласна казахстанскіх музыкаў: зараз ім належаць чатыры пазіцыі, а ўзначальвае чарт казахстанская спявачка Dequine.

Ніводнага расійскага музыканта не аказалася ў хіт-парадах Кыргызстана і Літвы.

У Беларусі таксама змяніліся густы — колькасць топавых расійскіх кампазіцый знізілася ўдвая.

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
0
Vik / адказаць
03.12.2022
Максим Дизайнер, Чего не договариваешь?: Егор Летов Помимо музыки занимался политической деятельностью. Вместе с Эдуардом Лимоновым и Александром Дугиным являлся одним из основателей, идеологов и лидеров скандально известной Национал-большевистской партии (НБП), ныне запрещённой на территории России. Только последние выступления Летова перечеркнули ГрОб как "невразумительную ошибку" истории.
0
Веснов / адказаць
03.12.2022
Максим Дизайнер, ГрОб таксама нічога арыгінальнаго
1
М-65 / адказаць
03.12.2022
Максим Дизайнер Кому вся эта русская чушь собачья интересна? Спасибо им всем надо сказать,что убираются назад ,к себе,со своей «культурой».
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2022 2023 2024
снежань студзень люты
ПН АЎ СР ЧЦ ПТ СБ НД
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31