На развітанні з Макеем не было яго старэйшага сына
Мяркуючы па фота, Віталь Макей не прысутнічаў на развітанні ў Доме афіцэраў. Каля труны сядзела толькі Вера Палякова-Макей, іх з Макеем сын Арцём і яе старэйшы сын ад першага шлюбу Дзмітрый.
Развітанне з Уладзімірам Макеем адбылося 29 лістапада ў Доме афіцэраў.
У Мінску развітваюцца з Уладзімірам Макеем ШМАТ ФОТАЎ
Уранку з памерлым развітаўся Аляксандр Лукашэнка, які пешкі прайшоў да Дома афіцэраў з Адміністрацыі прэзідэнта перакрытай дзеля таго вуліцай.
Уладзімір Макей раптоўна памёр у суботу 26 лістапада. Па інфармацыі «Нашай Нівы», у яго здарыўся інфаркт. Афіцыйнай інфармацыі аб прычынах смерці Макея не было. 
Фота: Міністэрства замежных спраў Беларусі
Старэйшы сын Уладзіміра Макея Віталь у 2020 годзе звольніўся з Міністэрства замежных спраў, што было ўспрынята назіральнікамі як маўклівы пратэст супраць фальсіфікацыі выбараў і гвалту. У 2021 годзе ён раскрытыкаваў ведамства свайго таты за хамства і страту маральных арыенціраў.
Чытайце таксама:
«Сумна, што мае былыя калегі вымушаны мірыцца з сітуацыяй»: сын Макея раскрытыкаваў скандальную заяву МЗС
Сын Уладзіміра Макея звольніўся з МЗС
Рука Масквы, помста Лукашэнкі ці проста інфаркт?
Як Макей правёў свой апошні тыдзень
10 фактаў пра Уладзіміра Макея
Ціханоўская выказалася пра смерць Макея
Сталі вядомыя кандыдатуры на замену незаменнага міністра
