Знайсці
28.11.2022 / 15:27РусŁacБел

Застрэліўся афіцэр, які адказваў за мабілізацыю ва Уладзівастоку. Ён стрэліў сабе ў грудзі пяць разоў

Жонка афіцэра напісала адкрыты ліст Пуціну. Яна кажа, што яе мужу пагражалі крымінальнай справай.

Палкоўніку Вадзіму Бойку, які працаваў у Ціхаакіянскім ваенна-марскім вучылішчы ва Уладзівастоку, даручылі адрамантаваць ваенную тэхніку для мабілізаваных і падрыхтаваць навабранцаў да баявых дзеянняў, паведамляе выданне «Сірэна».

Бойка шмат разоў дакладваў кіраўніцтву пра тое, што тэхніка няспраўная, а рыштунку для мабілізаваных няма, аднак Вадзіму ніяк не дапамагалі.

14 лістапада пасля праверкі палкоўніку сказалі, што завядуць супраць яго крымінальную справу аб страце і псаванні дзяржмаёмасці на 100 млн рублёў і забяруць уласнасць у кошт доўгу, напісала яго жонка.

Юлія адзначае, што пасля пачатку мабілізацыі яе муж месяц пакутаваў на бяссоніцу і схуднеў на 15 кілаграмаў. Яна просіць Пуціна прасачыць, як расследуюць крымінальную справу аб смерці яе мужа, і «прыцягнуць да адказнасці ўсіх датычных».

Бойка застрэліўся раніцай 16 лістапада. Як мяркуецца, ён пяць разоў стрэліў сабе ў грудзі.

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера