Знайсці
27.11.2022 / 22:1426РусŁacБел

«Хачу атрымліваць каханне ад мужчыны». Вайсковая падпалкоўніца расказала, чаму ў 34 гады яна адна

Ваенная журналістка і падпалкоўнік Узброеных Сіл Ганна Чыж-Літаш напісала калонку пра свой досвед адносінаў.

Скрыншот: відэа АНТ

«Мяне завуць Ганна. Мне 34 гады. За гэты адрэзак свайго жыцця я паспела зрабіць шмат чаго. Напрыклад, атрымаць тры вышэйшыя адукацыі, восем гадоў пражыць у шлюбе, нарадзіць дачку, даслужыцца да звання падпалкоўніка Узброеных Сіл, развесціся, пабудаваць кар’еру ваеннага журналіста і тэлевядучай і напісаць дзевяць кніг. А яшчэ схадзіць на пару сотняў спатканняў, закруціць некалькі сур’ёзных раманаў, тысячу разоў расчаравацца, столькі ж — усміхнуцца.

Такім чынам, мяне завуць Ганна. Мне 34 (амаль 35), і я па-ранейшаму жыву з дачкой. Таго самага адзінага я так і не сустрэла. Пакуль не сустрэла.

Лічу вельмі важным растлумачыць, што мяне гэта практычна не турбуе цяпер (раней — вельмі нават). Мне камфортна жыць адной. Прачынацца на досвітку, адной прабірацца па сваёй соннай вялікай кватэры да прамянёў сонца, якія прабіваюцца скрозь шчыльныя фіранкі на кухні. <…>

Калі дом засынае, я задумваюся аб тым, як умясціць у сваё жыццё мужчыну. Знайсці час і сілы бавіць з ім вечары, выхадныя, закруціцца ў быце…

«Захочаш — знойдзеш», — падумаеце вы і будзеце мець рацыю. Бо справа, мабыць, зусім не ў часе і сілах. А ў страху. Страху, што ў цябе ўкрадуць… цябе. Што могуць пакрыўдзіць, адыгрываючы свае няўдалыя сцэнарыі жыцця. Або параніць тваё дзіця словам, учынкам. І ты выбіраеш свет свабодных адносін, дзе ніхто нікому нічога не вінен. Сустрэліся — правялі час — сышлі ў свае жыцці. А праблемы вырашай сама: дарослая дзяўчынка ўжо.

Увесь гэты клубок сумненняў, думак прывёў мяне да пытання: а навошта нам мужчына? Як аказалася, большасць жанчын не можа даць дакладнага адказу. Яны самі не ведаюць, чаго хочуць. <…>

На жаль, мой досвед спатканняў — забаўна-сумны. Але ўсё ж ён бясцэнны. З гэтымі мужчынамі ў мяне не супалі ні мэты, ні погляды, а часам замест жаданага клопату і ўвагі ў адказ — цішыня.

Таму я навучылася клапаціцца пра сябе. Вырашаць свае праблемы. Любіць сябе. Шанаваць і берагчы. Але гэта не значыць, што я не хачу атрымліваць каханне ад мужчыны. Вельмі хачу. Проста, напэўна, пакуль не прыйшоў мой час для сур’ёзных адносін з мужчынам».

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
0
Джек Блэк/адказаць/
28.11.2022
даведка, Из РОВД не переходят в МО.Из РОВД-только в ВВ МВД..У неё на правой молочной железе рыцарский крест "За самоотверженную службу в ВВ МВД РБ. 2-й степени"Т.е отвергла сама себя женщина кое-где у нас порой и вела кое с кем незримый бой на службе в дни и ночи.
2
даведка/адказаць/
28.11.2022
Ещё как переходят, если связи иметь в лице отца-полковника запаса. К тому же она языком работала в РУВД и по этому же профилю перевелась в Минобороны, где ведёт военную программу "Арсенал" и рубрику в новостях БТ. Этот крест раздают направо и налево в системе МВД, а шеврон у неё на форме — Узброеныя сілы.
2
амазонка/адказаць/
28.11.2022
ружовая пятніца ўжо прайшла - nashaniva.com/303990
Марк. спазніўся

а жанчына можа зацяжарыць (гэта тэарэтычна) без удзелу мужчыны - дзяленнем яйкаклеткі. праўда нарадзіцца ў такім разе можа толькі дзяўчынка
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера