Стадыёны для мундыялю-2022 дапамагаў будаваць «Талібан»
Радыкальная ісламісцкая групоўка «Талібан», якая з мінулага года кантралюе Афганістан, дала тэхніку для будаўніцтва стадыёнаў у Катары, паведамляе sport24.ua.
Фота: AP Photo / Bernat Armangue
Большая частка найвышэйшага кіраўніцтва «Талібана» жыла ў сталіцы Катара на працягу апошняга дзесяцігоддзя, пакуль працягваліся мірныя перамовы з ААН і ЗША.
Высокапастаўленыя прадстаўнікі «Талібана», як сцвярджаецца, куплялі абсталяванне, а затым здавалі яго ў субарэнду кампаніям, якія будавалі аб'екты для чэмпіянату свету. Такім чынам яны зарабілі, як сцвярджаецца, мільёны даляраў. Кошт арэнды адной адзінкі тэхнікі даходзіў да 10 тысяч даляраў за месяц, пры гэтым некаторыя талібы, як сцвярджаецца, закупілі да 10 машын.
«Талібы ўклалі велізарныя сродкі ў падрыхтоўку чэмпіянату свету, гэты турнір стаў для іх залатой качкай. Ім заплацілі мільёны», — паведамляе крыніца, блізкая да фігурантаў справы.
Прадстаўнікі «Талібана» заявілі The Telegraph, што не ўдзельнічалі ў будаўніцтве аб'ектаў у Катары. ФІФА артыкул не каментавала.
