Знайсці
26.11.2022 / 18:2935РусŁacБел

Смерць Макея: рука Масквы, помста Лукашэнкі ці проста інфаркт?

Уладзіміра Макея залічвалі да ліберальнага крыла лукашэнкаўцаў, ён быў адзіным у цяперашняй вярхушцы, хто час ад часу гаварыў па-беларуску.

Уладзімір Макей. Фота: прэс-служба Міністэрства замежных спраў

Міністрам замежных спраў Беларусі ён працаваў з 2012 года. Да таго ён чатыры гады, у тым ліку падчас пагрому 2010-га, узначальваў Адміністрацыю прэзідэнта. А яшчэ перад тым восем гадоў, з сакавіка 2000 года, быў памочнікам Аляксандра Лукашэнкі. Памочнікам ён стаў пасля знікнення апанентаў Лукашэнкі ў 1999-м. Гэта быў чалавек, які ведаў, куды ішоў і што рабіў.

Макей меў рэпутацыю чалавека прабеларускага — у тых рамках, у якіх беларускасць дазваляецца ў прарасійскім рэжыме. У кожным разе, ён не належаў да фашысцкага крыла лукашэнкаўцаў. Аднак пры гэтым быў служака і службіст, які ні ў чым не адыходзіў ад генеральнай лініі і зрабіў шмат для ўмацавання рэжыму асабістай улады і вынішчэння ўсяго незалежнага. 

Афіцыйнай версіяй смерці Макея стаў інфаркт. Яго нічога не прадвяшчала, што, можна быць упэўненымі, выкліча шматлікія тэорыі змовы.

Уладзімір Макей са сваім апаратным досведам мог бы быць ключавой постаццю ў працэсе вызначэння пераемніка ў выпадку раптоўнага адыходу самога Аляксандра Лукашэнкі. І ён быў далёка не самым прарасійскім элементам у цяперашняй мінскай вярхушцы. Адпаведна, многія могуць бачыць за такой раптоўнай смерцю руку Масквы.

І Макей быў кіраўніком ведамства, дзясяткі супрацоўнікаў якога ў 2020-м перайшлі на бок народа, калі амаль усе дыппрадстаўніцтвы засведчылі масавае галасаванне людзей за Святлану Ціханоўскую — пасля чаго лукашэнкаўцы вымушаныя былі з ганьбай для сябе адмяніць галасаванне на замежных участках. Аляксандр Лукашэнка мае рэпутацыю чалавека, які нікому нічога не даруе. Адпаведна, іншыя могуць бачыць у смерці помсту.

Але людзі часам паміраюць проста ад інфарктаў. Наколькі вядома «Нашай Ніве», Уладзімір Макей памёр у сябе дома, і пакуль усё сапраўды паказвае на інфаркт.

Чытайце таксама:

Стала вядомая імаверная прычына смерці Макея

Як Макей правёў свой апошні тыдзень

Ціханоўская выказалася пра смерць Макея

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
1
рука Масквы/адказаць/
28.11.2022
рука (Black)  Масквы
0
Пожалуй/адказаць/
28.11.2022
Рэд., чтобы это значило? Anatol Starkou: #Пожалуй, Да ты просто время у меня отнимаешь. Вот у меня четыре утра, а я всю ночь сидел и клепал текст на тебя кому надо# И давно он "клепает тексты кому надо" на читателей НН? И признается, что клепает? :/
1
Anatol Starkou/адказаць/
28.11.2022
Пожалуй, Американская демократическая пенсия маленькая. Приходится клепанием подрабатывать. А на пенсии я полтора года.
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера