Украіна і Расія паведамілі аб чарговым абмене палоннымі
Украінскія і расійскія крыніцы паведамляюць аб чарговым абмене ваеннапалоннымі. Кіраўнік Офіса прэзідэнта Украіны Андрэй Ярмак напісаў у сваім тэлеграм-канале, што былі вызваленыя дванаццаць украінскіх палонных, а Міністэрства абароны Расіі — аб вяртанні дзевяці ўзятых у палон вайскоўцаў.
Фота: тэлеграм-канал Андрэя Ермака
Па словах Ермака, сярод вызваленых украінцаў — чацвёра байцоў ваенна-марскіх сіл, двое нацгвардзейцаў і памежнікаў, адзін чалавек з тэрытарыяльнай абароны і трое цывільных асоб: жонка і яе муж, які лічыўся зніклым без вестак. «Сярод вайскоўцаў — двое афіцэраў, а таксама сямёра радавых і сяржантаў», — піша Ярмак.
Як напісаў Ярмак, «дадому едуць воіны, якія абаранялі, у прыватнасці, Марыупаль, ЧАЭС і востраў Змяіны».
Расійскае міністэрства абароны тым часам паведаміла, што ў выніку абмену было вернута дзевяць вайскоўцаў.
На працягу апошняга тыдня Украіна і Расія правялі ўжо некалькі абменаў палоннымі. Кіраўнік Офіса прэзідэнта Украіны паведаміў, што за тыдзень Кіеву ўдалося вярнуць ужо 98 украінцаў.
