Знайсці
23.11.2022 / 18:584РусŁacБел

Па даносе пралукашэнкаўскага блогера кашмараць супрацоўнікаў аўтапарка ў Брэсце

«На кіраўнічых пасадах аўтапарка сядзяць актыўныя прадстаўнікі экстрэмісцкай бел-чырвона-белай ідэалогіі», — сцвярджаў Аляксей Голікаў. Віна ўсіх абвінавачаных «пацвярджаецца» тым, што яны ставілі лайкі ды рабілі допісы ў «Аднакласніках».

З допісу блогера Аляксея Голікава ў ягоным тэлеграм-канале стала вядома, што ГУБАЗіК затрымаў супрацоўнікаў берасцейскага аўтапарка. Прычынай стала ягонае ж відэа, якое выйшла два тыдні таму.

У відэа ён сцвярджае, што «на кіраўнічых пасадах аўтапарка сядзяць актыўныя прадстаўнікі экстрэмісцкай бел-чырвона-белай ідэалогіі». І цэлых шэсць хвілінаў з перабіўкамі на лірыку даводзіць гэта.

Да прыкладу, значная частка відэа прысвечаная тлумачэнню таго, якая роля ідэолагаў на прадпрыемствах. Можа падацца, што Голікаў дасведчаны завадчанін, але гэта не так — ён сам некалі казаў, што ўсё жыццё працаваў прадпрымальнікам у сферы рэкламы, а пасля пачаў цікавіцца журналістыкай і адкрыў уласны блог.

У сваім відэа ён абвінавачвае ідэолага прадпрыемства 56-гадовага Ігара Парфенюка ў тым, што ён, быццам бы, разам з іншымі «бчб-ідэолагамі» вінаваты ў тым, што адбыліся пратэсты на прадпрыемствах у жніўні 2020-га і Андрэй Зельцэр застрэліў супрацоўніка КДБ Змітра Федасюка.

Таксама ён кажа пра начальніка вытворча-тэхнічанага аддзела парка Аляксандра Сароку і 39-гадовага начальніка аўтакалоны парка Сяргея Сераду (апошняму закідае таксама «абразу Лукашэнкі і сілавікоў»).

Віна ўсіх абвінавачаных «пацвярджаецца» тым, што яны ставілі лайкі ды рабілі допісы ў «Аднакласніках».

Сэнс відэа зводзіцца да таго, што Лукашэнка — добры прэзідэнт, а «баяры дрэнныя», бо нічога не робяць і таму паўсюль бардак.

Пасля Голікаў заклікае ГУБАЗіК паставіць «выкрытых» ім супрацоўнікаў аўтапарка «да дзвярэй». Відаць, што гэта і адбылося — сам ён каля 11-й раніцы напісаў, што іх затрымалі. Праўда, аказалася, што на прадпрыемства прыйшлі сілавікі, узялі тлумачэнні і людзі працягнулі працаваць.

Сяргей Серада, Аляксандр Сарока і Ігар Парфянюк. Фота: «Вясна»

Пасля таго, як выявілася, што затрыманых адпусцілі, Голікаў напісаў у сваім блогу: «Дзяцей і моладзь, якія аступіліся, запісваюць на фоне дзвярэй, а каб не псаваць імідж дзяржаўнага прадпрыемства, дарослых, якія адкрыта распаўсюджваюць матэрыялы з экстрэмісцкіх рэсурсаў, пакрываюць».

Цалкам магчыма, што гэтых людзей у будучыні яшчэ чакае пераслед.

Голікаў увогуле няроўна дыхае да Брэсцкага аўтапарка і прысвяціў яму цэлую серыю ролікаў. 

Нагадаем, раней ён заклікаў выклікаць міліцыю, «калі пабачылі БЧБ», і «закідваць снежкамі тых, хто крычыць «Жыве Беларусь!».

«Наша Нiва» — бастыён беларушчыны

ПАДТРЫМАЦЬ

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
0
Грышка /адказаць/
23.11.2022
Няма «экстрэмісцкаe бел-чырвона-белаe» ідэалёгіі, бо свабода, самакаштоўнасьць і самавызначэньне ёсьць натуральныя, а не экстрэмісцкія. Рэтра-савецкая «чырвона-зялёная» ідэалёгія экстрэмісцкая, бо катаваньні, згвалтаваньні й забойствы ёсьць экстрэмісцкія, а не натуральныя.
0
коричневый колхозно-фашистко-лукашистский режим должен быть призван террористическим/адказаць/
23.11.2022
доносы, доносы, доносы, пытки, задержания, репрессии, судилищи, доносы ... 
1
Справка/адказаць/
24.11.2022
Ох, как пуканы разорвало у НН. А все дело в том, что автопарк в Бресте частный.
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера