Фаны «Эвертана» пайшлі шукаць піва ў Катары, а трапілі да львоў

Простыя хлопцы з Ліверпуля, што прыляцелі ў Катар пафанацець за Англію, вечарам напярэдадні гульні ўлюбёнцаў з Іранам выйшлі па піва. Аднак поспехаў у справе не займелі да той хвіліны, пакуль не сустрэлі аднаго з мясцовых жыхароў. У адказ на запыт пра краму з півам мясцовы жыхар прапанаваў паехаць да яго ў госці — і не толькі пакаштаваць піўка, але і паглядзець на львоў ды іншых экзатычных жывёл і птушак з яго маёнтка.

Аказалася, яны сустрэлі сына аднаго з мясцовых шэйхаў. І ён з задавальненнем зладзіў для гасцей з замежжа эфектную экскурсію.

Хлопцы выклалі відэа з палаца ў сваіх сацсетках.

Nashaniva.com

Хочаш падзяліцца важнай інфармацыяй
ананімна і канфідэнцыйна? Пішыце рэдактару
«Нашай Нівы» ў ТГ

6

3

1

2

0

2