Знайсці
21.11.2022 / 14:4526РусŁacБел

«Белсат»: Агент ГУБАЗіКа мог спампаваць базу даных ЧКБ, у рукі сілавікоў трапілі кантакты 10 000 інфарматараў

«Белсат» сцвярджае, што ў тэлеграм-канала «Чорная кніга Беларусі» ёсць база інфарматараў, якую, мяркуюць журналісты, агент ГУБАЗіКа спампаваў. У базе, паводле «Белсата», было каля дзесяці тысяч чалавек.

Скрын відэа

Як распавядае «Белсат», ЧКБ мела не адзін, а шэсць тэлеграм-каналаў. Асноўны — «Беларусь» — і пяць рэгіянальных. Каб бачыць усе паведамленні, была створаная адмінка, куды сцякалася інфармацыя з усіх чат-ботаў. Алгарытм аўтаматычна ствараў новы чат у інтэрфейсе адмінкі — нік, дата перапіскі і назва тэлеграм-канала, з якога было паведамленне.

Але, што важна, адмінка ведала і запамінала ўнікальны для кожнага карыстальніка ID-нумар. Ён быў прывязаны да кожнага з чатаў. Гэты ID-нумар прывязаны да карыстальніка. Хоць праз яго немагчыма атрымаць нумар ці імя карыстальніка наўпрост, калі чалавек прымаў мінімальныя захады бяспекі, ён часта дае магчымасць даведацца яго сапраўдныя даныя — тут мы некалі тлумачылі, якім чынам.

Усе размовы з інфарматарамі (паведамленні, якія яны дасылалі, у тым ліку свае даныя, і адказы супрацоўнікаў ЧКБ) можна лічыць базай даных ЧКБ.

Паводле журналістаў, адмінка надалей працуе, і супрацоўнікі «Інфапойнта» маюць да яе доступ.

«Белсат» прыводзіць цяперашнюю перапіску з ЧКБ, дзе нібыта занепакоены інфарматар пытаецца, якую інфармацыю яны збіраюць і ці трэба яму хвалявацца. Адміністратар ЧКБ адказаў: не хвалюйцеся, вашы даныя ў бяспецы, мы збіраем толькі юзер-нэймы. «Белсат» звяртае ўвагу, што адміністратар уводзіць у зман: адміны бачаць лагін і ўнікальны ID.

То-бок адміністратар піша беларусу, які, магчыма, знаходзіцца ў Беларусі, што небяспекі няма, замест таго, каб папярэдзіць пра яе.

Агент ГУБАЗіКа меў доступ да адмінкі ЧКБ. «Якія яшчэ патрэбныя доказы таго, што ГУБАЗ мае поўную базу кантактаў? Наіўна лічыць, што ён не скапіраваў поўную базу кантактаў і не падзяліўся доступам з калегамі, каб тыя маніторылі яе штодня ў рэжыме анлайн», — кажа журналіст Ігар Кулей.

Паводле «Белсата», 23 мая 2021 года, у дзень пасадкі самалёта, на якім ляцеў Раман Пратасевіч, супрацоўнік ГУБАЗіКа Артур Гайко не быў раскрыты. Ён меў доступ да базы яшчэ да 12 ліпеня.

Пасля пасадкі самалёта старыя лагіны адмінкі былі выдаленыя, але Артур Гайко атрымаў новы доступ. Ён яшчэ 1,5 месяца быў адміністратарам ЧКБ. Усе лічылі, што інфармацыя выцекла ад Пратасевіча і Сапегі.

«Белсат» выказвае меркаванне, што не ўсіх людзей яшчэ затрымалі. Тых, хто пісаў, пад сваімі рэальнымі прозвішчамі ці са сваімі фота — верагодна, так. Іх было проста ідэнтыфікаваць. Тых, хто дасылаў здымкі пратаколаў ці судовых пастаноў, таксама няцяжка вылічыць — там ёсць іх даныя.

А вось ёсць яшчэ тыя, над якімі вісіць пагроза. Гэтыя людзі мелі ананімны тэлеграм і не дасылалі асабістыя звесткі ЧКБ. Усё, што ведае пра іх ГУБОП, — іх унікальны ID-нумар. Але гэта можа быць пытаннем часу, калі іх раскрыюць.

«Белсат» сцвярджае, што ім удалося падлічыць, колькі людзей было ў базе ЧКБ. Колькасць чалавек, якія хоць раз напісалі хоць у адзін з шасці тэлеграм-ботаў ЧКБ, «не меншая за 10 тысяч асобаў», і, як сцвярджае «Белсат», у іх ёсць дакументальныя пацверджанні гэтаму.

Чытаце таксама:

Губазікавец дзевяць месяцаў быў у камандзе Чорнай кнігі Беларусі. І ўрэшце ўзначаліў яе

Што такое Infopoint, доступ да якога атрымаў агент ГУБАЗіКа?

Год таму ЧКБ і Байпол расказвалі пра агента — але вось што

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
21.11.2022
Ajax, Не, и после этого вы просите присылать информацию в ваш бот? Нет уж спасибо.  ...
____________________________________________________________

наконец-то до одного дошло. сколько  еще нужно пересажать людей чтобы одни перестали пользоваться а другие рекламровать фсбшный телеграм?   


22.11.2022
в том то и дело, что этим занимался не Байпол

22.11.2022
то, что телеграм плохо приспособлен для подпольной деятельности было очевидно

с другой стороны знание ID номера аккаунта ровным счетом ничего не дает

он виден любым желающим (если пользоваться неродным клиентом)

поэтому если твой айди привязали к физической персоне, то ты уже где-то прокололся

максимальный вред от слива может быть только, если у тебя забрали телефон и посмотрели твой айди, а потом посмотрели в базу и выяснили, что ты причастен

ну так после слива может надо удалить телеграм? и если и зарегистрироваться то так, чтобы не забрали и уже на совсем другой номер телефона?

ребята - это своего рода война, просто без пуль и снарядов, как у спецслужб, здесь нужно много думать и много делать

Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера