Знайсці
15.11.2022 / 17:591РусŁacБел

Кітаец прабег марафон за 3,5 гадзіны, хоць курыў усю дыстанцыю

Марафонцаў лічаць атлетамі, якія вельмі клапоцяцца пра сваё здароўе. Выключэнне з гэтага стэрэатыпу — кітайскі бягун па мянушцы «дзядзя Чэн», які знакаміты тым, што падчас бегу ён пастаянна курыць.

Фота: кітайская сацсетка Weibo

Чэн, якому цяпер 50 гадоў, нядаўна прабег усю дыстанцыю марафону і курыў на працягу ўсіх 42 кіламетраў. Фота бегуна з цыгарэтай сталі віруснымі ў мясцовай сацсетцы, а арганізатары марафону пазней апублікавалі сертыфікат Чэна аб завяршэнні марафону, піша Daily Mail.

Мужчына прыйшоў да фінішу 574-м з прыкладна 1500 бегуноў, каб скарыць дыстанцыю, яму спатрэбілася 3 гадзіны 28 хвілін і 45 секунд.

Гэта не першы раз, калі дзядзя Чэн прабягае марафон з цыгарэтай у руцэ. У 2018 годзе ён такім жа чынам выступаў на марафоне ў Гуанчжоу, у 2019-м — на марафоне ў Сяамыні. Вынікі бегуна склалі адпаведна 3 гадзіны 36 хвілін і 3 гадзіны 32 хвіліны. Таксама ў сеціве ёсць інфармацыя, што Чэну паддаюцца і больш доўгія дыстанцыі, чым звычайны марафон.

З 2017 года кітайца ведаюць у бегавых колах як «брата, што курыць». Людзі ставяцца да яго па-рознаму: камусьці падабаюцца здольнасці дзядзі Чэна, а нехта лічыць, што ён падае дрэнны прыклад.

Нягледзячы на тое, што спадар Чэн яўна ў форме, яго радзіма мае не лепшую статыстыку па курэнні. У Кітаі кураць 53% мужчынскага і 2,5% жаночага насельніцтва. Навукоўцы чакаюць, што на працягу двух наступных дзесяцігоддзяў смяротнасць ад хвароб, звязаных з курэннем, вырасце ў Кітаі амаль на 50%. Курэнне шкодзіць дыхальнай і сардэчна-сасудзістай сістэмам арганізма, што дакладна зніжае шансы чалавека стаць добрым атлетам, у тым ліку і бегуном.

Як бы там ні было, цяпер не існуе правіл, якія б забаранялі бегунам курыць падчас дыстанцыі.

Беларус-пастар выйграў вялікі забег у Польшчы. Пасля гэтай гутаркі вы яго дакладна палюбіце

Хто той беларус, які прабежкамі «малюе» Бабарыку і піша словы салідарнасці

«Падчас кросу можна пабачыць жырафаў». Топавая беларуская бягуння, якую выключылі са зборнай, пра жыццё і трэніроўкі ў Кеніі

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
0
хто пусціў жахчыну ў фухбольную тэму/адказаць/
15.11.2022
выкурвае некурачых супернікаў )
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера