Як выглядаюць жоўтыя біркі, якія вешаюць палітычным у калоніях
На дзяржаўным тэлеканале «Брэст» выйшаў відэасюжэт, дзе паказалі аднаго з палітвязняў, затрыманага ў першыя дні вайны ва Украіне. У кадры можна ўбачыць, як выглядае форма палітычных.
Дзяніс Сасункевіч у калоніі № 22. Скрыншоты тут і далей: відэасюжэт ТРК «Брэст»
30-гадовы фізік з Мінска Дзяніс Сасункевіч да зняволення працаваў у дзяржаўнай установе, піша «Вясна». Затрымалі яго 25 сакавіка.
Вядома, што 28 лютага ў цэнтры Мінска хлопец убачыў вайсковую тэхніку з пазначэннем на корпусе V, сфатаграфаваў яе і адправіў у адзін з пратэсных тэлеграм-каналаў.
Дзяніс Сасункевіч у калоніі № 22. Скрыншот: відэасюжэт ТРК «Брэст»
Жоўтая бірка Дзяніса Сасункевіча. Скрыншот: відэасюжэт ТРК «Брэст»
Супраць Сасункевіча распачалі крымінальную справу паводле арт. 361-4 Крымінальнага кодэкса — садзейнічанне экстрэмісцкай дзейнасці. Разгляд яго справы адбыўся 4 ліпеня ў Мінскім гарадскім судзе. Суддзя Святлана Чарапанава асудзіла хлопца да двух гадоў калоніі ва ўмовах агульнага рэжыму.
Палітвязень адбывае пакаранне ў Івацэвіцкай папраўчай калоніі № 22, вядомай як «Воўчыя норы».
Папраўчая калонія № 22. Скрыншот: відэасюжэт ТРК «Брэст»
Жоўтая бірка — адзнака, якую прыдумалі ў месцах пазбаўлення волі для асуджаных па палітычных артыкулах.
Для вязняў ствараюць таксама невыносныя ўмовы на сутках у ІЧУ. У аддзелах міліцыі, ізалятарах і судах іх называюць «кантрольнымі». Літара «К» ставіцца і на некаторых дакументах затрыманых. Гэта кодавае слова дае зразумець супрацоўнікам сістэмы, як вырашаць лёс чалавека.
Стала вядома, якім кодавым словам лукашысты называюць палітычных
сёння расказвалі, як дазнаўшыся, што жанчына працуе ў турэмнай лякарні, хацелі паспачуваць ёй:
- няпростая пэўна праца. такі кантынгент...
на што тая:
- вы што. там усе прыстойныя культурныя людзі
гэта было ў 2007 годзе