Знайсці
08.11.2022 / 20:482РусŁacБел

У Беларусі збіраюцца законам адмяніць магчымасць навучання на мовах нацменшасцяў

Палата прадстаўнікоў рыхтуецца прыняць у першым чытанні праект закона «Аб змяненні законаў па пытаннях адукацыі», дакумент апублікаваны на Нацыянальным прававым інтэрнэт-партале. Акрамя іншага, папраўкі закрануць і моўныя пытанні.

Школа з літоўскай мовай навучання, якая існавала да 2022 года ў вёсцы Пеляса Воранаўскага раёна. Фота: voranava.blogspot.com

Сярод іншага прапануецца змяніць артыкулы 21 і 22, дзе гаворыцца аб мовах навучання ў школах, ВНУ і іншых установах адукацыі. Жыхары Беларусі паводле закона будуць мець права вучыцца як на рускай, так і беларускай мовах, але замест цяперашняй фармулёўкі «на беларускай або рускай мовах» у законе будзе напісана «на беларускай і (або) рускай мовах».

Таксама з артыкула 21 прыбіраецца фраза: «Права на выхаванне і атрыманне адукацыі на роднай мове маюць і асобы іншых нацыянальнасцяў, якія жывуць у рэспубліцы».

У артыкуле 22 будзе цяпер напісана, што ў дзіцячых садках і школах навучанне можа быць на замежнай мове па ўзгадненні з Міністэрствам адукацыі і «пры наяўнасці ўмоў». У ранейшай версіі закона гаварылася, што па жаданні вучняў і бацькоў (законных прадстаўнікоў), па рашэнні мясцовых уладаў і пры ўзгадненні з Мінадукацыі могуць стварацца класы або школы, дзе навучаюцца на мовах нацменшасцяў.

Калі закон будзе прыняты, новаўвядзенні ўступяць у сілу пасля афіцыйнага апублікавання. Праўда, у сітуацыі з адукацыяй на мовах нацыянальных меншасцяў яны нічога асабліва не памяняюць, бо з гэтага года 2 польскія і 2 літоўскія школы, якія існавалі ў Беларусі дагэтуль, дэ факта ліквідаваныя і так — з гэтага года моўны рэжым у іх дырэктыўна зменены, без уліку меркаванняў вучняў і іх бацькоў.

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
1
страшны сон губашлёпіка/адказаць/
08.11.2022
Маскальскую, спадзяюся, таксама прыбяруць? Ці гэта "другое"?
0
Чытач/адказаць/
25.04.2023
страшны сон губашлёпіка, ну, прама. Расейшчына -- гэта ж ДНК ідэалогіі, пра якую невероятные кажуць, што яе нібыта ў Лукашэнкі няма.  
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера