Знайсці
07.11.2022 / 18:43РусŁacБел

EPAM дамовіўся аб продажы амаль усіх сваіх актываў у Расіі

 EPAM падпісаў пагадненне аб продажы практычна ўсіх сваіх актываў у РФ трэцяму боку, піша «Інтэрфакс» са спасылкай на справаздачу кампаніі. З кім менавіта заключаныя пагадненні, не ўдакладняецца.

«7 верасня 2022 года кампанія падпісала пагадненне аб продажы практычна ўсіх сваіх астатніх актываў у Расіі трэцяму боку. Тэрміны і завяршэнне продажу залежаць ад звычайных умоў закрыцця здзелкі, у тым ліку ўхвалення органаў расійскага ўрада», — гаворыцца ў справаздачы кампаніі.

Агульны кошт актываў ЕРАМ у Расіі складаў 42,9 млн даляраў па стане на 30 верасня, з якіх 33,1 млн даляраў складаюць сродкі ў наяўных або іх эквіваленце. Кампанія заяўляла аб намеры спыніць дзейнасць у Расіі яшчэ вясной гэтага года.

Пасля пачатку вайны ва Украіне EPAM паведаміў пра намеры пакінуць расійскі рынак. Па словах кіраўніка кампаніі Аркадзя Добкіна, на канчатковы сыход патрэбны час.

Раней EPAM апублікаваў справаздачу за трэці квартал 2022 года. З яе стала вядома, што ў кампаніі расце выручка, але скарачаюцца штаты і выдаткі на рэлакейт супрацоўнікаў.

Чытайце таксама:

Справаздача EPAM: прыбытак вырас, каманда і выдаткі на рэлакейт — скараціліся

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера