Знайсці
06.11.2022 / 19:055РусŁacБел

БТ кажа, што Еўропа патанае ў цемры. А вось што адбываецца з асвятленнем у цэнтры Барысава

Пакуль БТ пужае беларусаў адсутнасцю святла ў Еўропе, у Барысаве нават «на галоўным праспекце горада» ў 6 вечара — цемра. І піша пра гэта дзяржаўнае выданне «Мінская праўда», якая час ад часу дае на сваіх старонках дазаваную крытыку.

Ілюстрацыйнае фота

«Праблема разбітых дарог зусім не новая для жыхароў Барысаўскага раёна. Але гэта не значыць, што з ёй можна проста змірыцца і пусціць на самацёк (у самым літаральным сэнсе). А калі да гэтага пытання дадаецца яшчэ адсутнасць асвятлення на вуліцы ў вячэрні час сутак, выйсця не застаецца — даводзіцца тэлефанаваць на прамую лінію», — даводзіць выданне.

З гэтай праблемай па дапамогу да намесніка старшыні Мінскага аблвыканкама Івана Маркевіча звярнулася Лідзія Мікалаеўна з райцэнтра.

Жанчына ўсхваляваным голасам распавяла аб тым, у якім страху яна жыве. Бо ісці з працы даводзіцца позна, калі ўжо цямнее, а на вуліцы нічога не бачна.

«Іду ў шэсць гадзін па вуліцы 8 Сакавіка — святла там няма. Іду па галоўным праспекце горада — у шэсць гадзін святла няма. На вуліцы цёмна, — дзеліцца Лідзія Мікалаеўна. — Пераходжу дарогу, а тут машына на такой хуткасці, што я ледзь паспела адскочыць!

У той самы дзень патэлефанавала ў райвыканкам. Сказалі, што разбяруцца. Потым я звярнулася да галоўнага энергетыка горада. Сказалі пакінуць заяўку на 115. У нас тут так: пакуль мы не скажам, што звернемся ў аблвыканкам, ніхто нас не чуе», — перадае словы жанчыны выданне.

Іван Маркевіч, паводле «Мінскай праўды», зафіксаваў сігнал і даў распараджэнне Барысаўскаму райвыканкаму разабрацца.

Чытайце таксама:

БТ: «Еўрапейскія сталіцы патанаюць у цемры». Што ж, папрасілі нашых чытачоў зняць свае гарады і вёскі

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
0
няш-мяш/адказаць/
06.11.2022
Вы не панімаеце, это другое!
0
Стоп лукашызм/адказаць/
07.11.2022
Гэта не Еўропа патанае ў цемры, гэта лукашызм патанае ў хлусні!
0
Жыве/адказаць/
07.11.2022
Лукашиское СМИ посмотрели бы как сами экономят электроэнергию : свет выключают в городах когда ещё темно утром ,включат когда уже темно вечером, подсветки по ночам только кое где работают.Тролейбусы сократили для экономии электроэнергии,люди толпами ждут тролейбуса потом в забитом тролейбусе без масок заражаются ковид,затем осложнения после ковид. Спрашивается : атомная станция построенная работает или Уже все? На украинском BBC недавно фильм вышел о ненужных женщинах после 35 в Китае ,женщинам не замужем после 35 в Китае запрещено рожать!!! Теперь осознайте ,что там система и человек винтик,только здоровые люди нужны стране. А в Беларуси люди после ковид с заболеваниями никому ненужны .
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера