Першая NFT-галерэя ў Беларусі адкрылася выставай «Пачвары, легенды i міфы»
Мастацкая выстава «Пачвары, легенды i міфы» адкрылася 7 кастрычніка ў першай NFT-галерэі Беларусі, піша агенцтва «Мінск-Навіны».
Валерый Слаук — мастак, заслужаны дзеяч мастацтва, чые работы экспанаваліся не толькі ў Беларусі, але і за мяжой. У экспазіцыі «Пачвары, легенды i міфы» майстар хацеў расказаць пра аўтэнтычныя вобразы беларускага фальклору, адлюстраваныя ў сучасным жывапісе.
Выстава пры падтрымцы скульптара Максіма Пятруля пройдзе ў галерэі Heart for art. Знаходзіцца яна па адрасе: праспект Машэрава, 9, к. 8.
NFT — гэта адзінка ўліку, з дапамогай якой ствараецца лічбавы злепак для любога унікальнага прадмета. Сярод іх могуць быць: карціны, фатаграфіі, відэа, музыка — словам, любы кантэнт, які прэтэндуе на хоць нейкую ўнікальнасць. Яны з'яўляюцца вялікай каштоўнасцю сярод калекцыянераў, геймераў і аматараў мастацтва, а купляюць і прадаюць іх праз аўкцыёны.
