Мінюст пазбавіў ліцэнзій яшчэ некалькіх адвакатаў
Права на працу страцілі больш за дзясятак адвакатаў, паведамляе прэс-служба Міністэрства.
Фота ілюстрацыйнае
Алена Грыбок, Сяргей Кішынёў і Дзмітрый Міроненка нібыта не могуць выконваць абавязкі адвакатаў з прычыны недастатковай кваліфікацыі.
Таксама было прынята рашэнне аб няпоўнай адпаведнасці патрабаванням заканадаўства Ігара Важдаева і Сяргея Краснова з адтэрміноўкай атэстацыі на шэсць месяцаў.
Кваліфікацыйная камісія па пытаннях адвакацкай дзейнасці таксама вырашыла, што дзеянне ліцэнзій у дачыненні да Віктара Балотава, Вольгі Балотавай, Наталлі Малахавай, Юліі Мядзведзевай можа быць спынена за здзяйсненне правін, «несумяшчальных са званнем адваката».
Дзеянне ліцэнзій у дачыненні да Генадзя Уласенкі, Паўла Кулажанкі, Вікторыі Нячай, Ганны Паўлюк і Таццяны Саўчанка спынена ў сувязі з «недастатковай кваліфікацыяй».
