Знайсці
04.10.2022 / 16:38 10

Лукашысты паставілі на калені вядомага спартоўца, блогера-мільённіка і знялі гэта на відэа

Улад Белавусаў — 26-гадовы хакеіст на траве і адзін з самых папулярных беларускіх блогераў. На яго тыкток падпісаныя больш за два мільёны чалавек. 

Фота: сацсеткі Уладзя Белавусава

Белавусаў родам з Воршы. З дзяцінства хлопец займаўся лёгкай атлетыкай, але пасля пачаў гуляць у хакей на траве. І гэтае хобі стала прафесіяй.

Спачатку ён два гады гуляў за клуб «Гомель», а пасля — за «Мінск». Цяпер ён гуляе яшчэ і ў нацыянальнай зборнай Беларусі пад №10. Яго нават аднойчы прызнавалі найлепшым гульцом сезону.

Фота: zerkalo.io са спасылкай на інстаграм Белавусава

Уладзь з сям'і спартоўцаў — ягоная маці трэнерка па хакеі на траве, яна і была яго першай трэнеркай, а стрыечны брат таксама гулец.

Тыкток харызматычны спартовец пачаў весці трохі больш за два гады таму і хутка «ўзляцеў». Па прызнанні хлопца, гэта яшчэ і дапамагае папулярызаваць улюблёны спорт — на матчы ХК «Мінск» пачалі прыходзіць людзі з ягонага тыктоку.

Цяпер хлопец перавысіў адзнаку ў два мільёны падпісантаў у тыктоку і 777 тысячаў у інстаграме. Ягоны брат Андрэй таксама тыктокер і мае 1,7 мільёна падпісантаў.

Сацсеткі Уладзя

На відэа, апублікаваным ГУБАЗіКам, спартовец выглядае падаўленым, з цяжкасцю прамаўляе словы, ледзь не плача. Ён кажа, што «ўдзельнічаў у пратэстах», «дзяліўся інфармацыяй з тэлеграм-каналаў» і «пакрыўдзіў сілавікоў».

Напрыканцы відэа паказваюць, як хлопец стаіць на каленях з тварам, уткнутым у дывановае пакрыццё — мяркуючы па антуражы, гэта кабінет супрацоўнікаў ГУБАЗіКа. На кадры накладзеная песня са словамі «я сяду».

Скрыншот з ГУБАЗіКаўскага відэа

Сілавікі дзякуюць «неабыякавым падпісантам» за тое, што яны «злілі» ім старыя відэа хлопца, на якіх ён удзельнічае ў пратэстах у 2020 годзе. Іначай, кажуць яны, «матэрыялы маглі згубіцца на прасторах інтэрнэту». Аднак да такіх сцвярджэнняў варта ставіцца скептычна. Такімі заявамі часта прыкрываюць сапраўдныя спосабы здабыцця інфармацыі. Акрамя таго, так матывуюць патэнцыйных даносчыкаў, каб уцягнуць як мага больш людзей у саўдзел у масавых рэпрэсіях.

Мяркуючы па паведамленні сілавікоў, супраць Белавусава заведзеная крымінальная справа па «народным» 342-м артыкуле за ўдзел у руху за свабодныя выбары і аднаўленне канстытуцыйнай законнасці.

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
1
Они уже в яме / адказаць
04.10.2022
Копают под себя, да, снимая эти ролики и показывая по тв, в телеграм-каналах они уже себя деанонимизировали и запротоколировали, в виде видео, свои преступления, а исполнители будут найдены очень быстро.
 "ребята", лукашенко вечно жить не будет и покрывать вас и ваши преступления.
 Даже, если придёт, после лукашенко, похожее или точно такое же гумно, но чтобы легетимировать себя, чтобы с ним разговаривал Запад, чтобы были сняты санкции,  чтобы не лежало накраденное мёртвым грузом и не было арестовано на счетах, вас, придётся закладывать, палить и сдавать.
2
даведка / адказаць
05.10.2022
Речь не о нём одном, ведь в видео ГУБОПиК снимаются, выставляя себя в глупом цвете, многие другие.  
2
Ддд / адказаць
05.10.2022
Некто, с голыми руками против автомата ничего не сделаешь. Кроме того что такое протест? В свободное от работы жены детей время? Тогда как у этих мерзавцев это и есть работа. Тут надо более системный , взвешенный и продуманный подход. Возможно нужно свое войско.
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2021 2022 2023
ПН АЎ СР ЧЦ ПТ СБ НД
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30