Знайсці
03.10.2022 / 13:48

Украінцы ўвайшлі ў Баравую

Украінскія войскі працягваюць прасоўванне на левым беразе ракі Аскол.

Украінскі вайсковец з трафейным расійскім грузавіком з літарай V. Фота: сацсеткі

Інфармацыя пра ўкраінскіх вайскоўцаў у населеных пунктах Баравая і Шыйкоўка на левым беразе Аскола з'явілася ў мясцовых чатах і расійскіх франтавых блогераў 3 кастрычніка. Афіцыйна ўкраінскае камандаванне пацвярджае вызваленне тых ці іншых населеных пунктаў пасля працяглага кантролю над імі.

Акрамя таго, расійскія франтавыя блогеры пішуць пра з'яўленне ўкраінскіх разведгруп у Пясчаным і Чырвонапапоўцы — населеных пунктах на дарозе Сватава — Крамянная.

Крытычным некаторыя расійскія блогеры называюць становішча ў раёне Крамянной на Данбасе.

Пакуль ішла зачыстка вызваленага Лімана, перадавыя ўкраінскія войскі замацаваліся ў Торскім, Цёрнах і занялі ваколіцы Крамянной — горада, размешчанага за 35 кіламетраў на ўсход ад Лімана. Расійскія войскі спрабуюць выстраіць лінію абароны па лініі Крамянная — Сватава, але, мяркуючы па тоне расійскіх блогераў, яны не надта разлічваюць на поспех.

«Зараз праціўнік, хутчэй за ўсё, засяродзіць свае намаганні на пераразанні камунікацый па трасе з Крамянной у Сватава з далейшым прасоўваннем на поўнач. ДРГ праціўніка ўжо выходзяць на гэтую дарогу», — піша расійскі прапагандыст WarGonzo.

«Паўстае пытанне аб утрыманні Крамянной — аднаго з ключавых пунктаў, якія забяспечваюць паўночны фланг абароны Лісічанска. Крамянную здаваць нельга ні ў якім разе», — заклікае палкоўнік Гіркін.

Крамянная — горад, у якім да вайны жыло 18 тысяч чалавек. Ëн стаіць на левым беразе Северскага Данца адразу над далінай ракі. Ад яго 30 км да Лісічанска. Крамянную расіяне занялі 18 красавіка.

Нагадаем, што 1 кастрычніка расійскае Мінабароны прызнала страту Лімана. «У сувязі са стварэннем пагрозы акружэння саюзныя войскі былі адведзеныя з населенага пункта Чырвоны Ліман на больш выгадныя рубяжы», — гаворыцца ў заяве Масквы.

Паўночней украінцы стварылі шматлікія плацдармы на левым беразе ракі Аскол і наступаюць ад Лазавой, Купянска ды Двурэчнай.

Сватава — райцэнтр на поўначы Луганскай вобласці, да вайны ў ім жыло 16 тысяч чалавек. Расійскія войскі акупавалі горад 6 сакавіка, на 11-ы дзень вайны.

Вызваленне Сватава мела б як стратэгічныя, так і маральныя наступствы. Гэта быў бы першы вызвалены райцэнтр Луганскай вобласці, якая на сёння амаль цалкам кантралюецца расійскімі войскамі.

Чытайце таксама: Неймаверны прарыў украінскай арміі ўздоўж Дняпра. Расійская абарона пад Херсонам можа абрынуцца

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2021 2022 2023
ПН АЎ СР ЧЦ ПТ СБ НД
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30