Выкладчыка радыётэхнічнага каледжа асудзілі па «справе Зельцара»
Мінскі гарадскі суд 19 верасня агучыў прысуд 30-гадоваму Цімафею Шкуратовічу, абвінаваціўшы яго ва ўдзеле ў масавых беспарадках, распальванні сацыяльнай варожасці і абразе прадстаўніка ўлады, піша «Вясна».
Цімафей Шкуратовіч
Судовае пасяджэнне вяла суддзя Жанна Брысіна.
Былы выкладчык радыётэхнічнага каледжа Шкуратовіч, па некаторых звестках, быў затрыманы 30 верасня 2021 года. Да суда змяшчаўся ў СІЗА №1 Мінска.
Паводле абвінавачвання, Цімафей Шкуратовіч пакінуў абразлівы каментарый у сацыяльных сетках адносна гібелі ў Мінску 28 верасня 2021 года ў перастрэлцы грамадзяніна Андрэя Зельцара і супрацоўніка КДБ. Пазней у ходзе следства да ч. 1 арт. 130 Крымінальнага кодэкса дадаліся яшчэ два абвінавачанні: ч. 1 арт. 293 (арганізацыя масавых беспарадкаў, якія суправаджаліся гвалтам над асобай, пагромамі, падпаламі, знішчэннем маёмасці або ўзброеным супрацівам прадстаўнікам улады) і арт. 369 (абраза прадстаўніка ўлады).
Суд пастанавіў пакараць Цімафея Шкуратовіча пазбаўленнем волі тэрмінам на два гады ва ўмовах агульнага рэжыму.
