Ад Беларусі хочуць запусціць у космас дзяўчыну
Пра тое, што першым касманаўтам суверэннай Беларусі, хутчэй за ўсё, стане дзяўчына, паведаміў старшыня Прэзідыума Нацыянальнай акадэміі навук Беларусі Уладзімір Гусакоў у кулуарах экспертна-медыйнага форуму «Прамысловае і навукова-тэхналагічнае супрацоўніцтва Расіі і Беларусі. Навука. Космас. Адукацыя».
Уладзімір Гусакоў. Фота: БелТА
«Мы павінны прадставіць групу нашых прэтэндэнтаў для медыцынскага абследавання літаральна ў найбліжэйшыя дні. Павінна быць ухваленая кандыдатура нашага касманаўта, думаю, што гэта будзе дзяўчына — і асноўны касманаўт, і дублёр», — сказаў Гусакоў.
Ён удакладніў, што папярэдне адабраная група ў складзе 20 чалавек.
«Група адабраная салідная. Тут [у Расіі] яны пройдуць глыбокае медыцынскае абследаванне, а далей — падрыхтоўка», — сказаў Гусакоў, адзначыўшы, «найвелізарнейшую дапамогу Расіі па ўсіх пытаннях».
Чыноўнік ад навукі таксама паведаміў, што палёт беларускага касманаўта абмяркоўваўся 28 верасня на сустрэчы з кіраўніком «Раскосмасу» Юрыем Барысавым.
людзі ў космас сапраўдны лічы, што не ляталі. так - боўтаюцца пакуль на калязямной арбіце