Знайсці
24.09.2022 / 16:49

Егіпет — самы папулярны для беларусаў турыстычны маршрут

З нагоды Сусветнага Дня турызму, які адзначаецца 27 верасня, Нацыянальны статыстычны камітэт падрыхтаваў статыстыку па ўязным і выязным турызме ў Беларусі за 2021 год.

У топ-5 самых папулярных краін для замежнага адпачынку ў мінулым годзе ўвайшлі Егіпет, Турцыя, Украіна, ААЭ і Расія. Егіпет у гэтым спісе лідзіруе з вялікім адрывам — 217,8 тысяч чалавек. У Турцыі пабывалі 147 тысяч беларусаў, у яшчэ даваеннай Украіне — 32 тысячы.

Наведвалі беларусы і экзатычныя краіны. Напрыклад, у Мазамбіку пабывалі пяць чалавек, ва Угандзе — чатыры, у Амане — тры. Да Венесуэлы дабраліся 52 турысты.

Агулам, паводле звестак Белстата, за мяжой пабывалі на адпачынку ў 2021 годзе 478,8 тысяч беларусаў. Яны наведалі 91 краіну.

Што да ўязнога турызму, то ў 2021 годзе колькасць турыстаў і экскурсантаў, якія арганізавана наведалі Беларусь, склала, як падлічылі ў Белстаце, 71,4 тысяч чалавек.

Традыцыйна лідзіруе з вялікім адрывам Расія — амаль 52 тысячы чалавек.

Пры гэтым агульны ўязны турыстычны паток быў значна больш — 3,4 мільёна чалавек з улікам перасячэнняў мяжы на адкрытым беларуска-расійскім участку. Як менавіта там вёўся ўлік, не ўдакладняецца.

Пабывалі ў Беларусі і турысты з экзатычных для нас краін — Шры-Ланкі (44 чалавекі), Уругвая (18), Бразіліі (11), Кот-д'Івуара (8), Сенегала (7), Гамбіі, Ганы, Уганды (па 6), Коста-Рыкі (3).

Пры гэтым цікавасць да арганізаваных турыстычных паездак у межах Беларусі, па падліках Белстата, праявілі каля 1,2 млн.чалавек.

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2021 2022 2023
ПН АЎ СР ЧЦ ПТ СБ НД
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31