Знайсці
21.09.2022 / 12:20

Трое школьнікаў-палешукоў пайшлі на рыбу і заблукалі. Іх адшукалі на наступны дзень

Трое братоў з вёскі Клетная Пінскага раёна 18 верасня сышлі на рыбалку і зніклі. Самаму старэйшаму з дзяцей было 10 гадоў. Шукалі іх усёй вёскай з ратавальнікамі, міліцыяй, леснікамі і пошукавікамі. Але той ноччу вынікаў не дамагліся, хлопцаў знайшлі раніцай наступнага дня. У эфіры «Беларусь 4» дзеці распавялі, як заблукалі і дзе спалі.

Хлопцы вырашылі пайсці парыбачыць на возера Гошча, якое знаходзіцца прыкладна ў пяці кіламетрах ад роднай вёскі. Бацькам нічога яны не сказалі, як і належыць сапраўдным рыбакам. Школьнікі ўзялі вуды і адправіліся ў дарогу. План быў такі: налавіць рыбы і вярнуцца да вечара дадому, але, ідучы назад, дзеці збіліся з дарогі. А калі сцямнела — спалі на вуліцы.

Бацькі забілі трывогу, калі зразумелі, што самі дзяцей знайсці не могуць. Усяго на пошукі прыцягнулі каля 160 чалавек. Людзі прачэсвалі лясы, вадаёмы і палі. Пошукі ўвянчаліся поспехам пад раніцу. Ляснічы Іван Саўчук знайшоў змерзлых дзяцей на дарозе.

— Выявіў я іх бліжэй да 8:30. Яны выйшлі на дарогу і ішлі ў бок Моталя. У зваротным кірунку [ад вёскі] ішлі — паняцця не мелі, куды яны ідуць. Ком у горле стаў адразу. Мне так шкада іх было. Зняў з сябе вопратку, накрыў, пасадзіў на матацыкл, патэлефанаваў у міліцыю, каб яны ехалі насустрач, — распавёў ляснічы.

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2021 2022 2023
верасень кастрычнік лістапад
ПН АЎ СР ЧЦ ПТ СБ НД
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31