Знайсці
20.09.2022 / 14:04 9

Паказанні беларусаў сталі ключавымі ў справе 40 польскіх мытнікаў

Мытнікі кажуць, што сталі ахвярамі «гібрыднай вайны» і паклёпу.

Афіцэр польскай мытні. Ілюстрацыйная выява

43 былым і дзейным мытнікам з польска-беларускіх памежных пераходаў у Люблінскім ваяводстве выставілі абвінавачанні ў злоўжыванні паўнамоцтвамі і непраўдзівай інфармацыі ў дакументах. Ключавыя доказы польскае следства атрымала з Беларусі, піша «Радыё Свабода».

Гэта вынік двухгадовага расследавання, якое вяла акруговая пракуратура ў Любліне.

Гаворка ідзе пра невыкананне мытнікамі сваіх абавязкаў пры вяртанні ПДВ Tax Free. Грамадзяне Беларусі, Украіны ці Расіі — краін, якія не ўваходзяць у Еўрасаюз, калі купляюць у Польшчы пральныя машыны, лядоўні, тэлевізары ці смартфоны, пры выездзе з ЕС паведамляюць пра гэта мытнікам і ім вяртаюць ПДВ. Гэта 23 працэнты ад цаны прадукту. Калі ў краме ў Белай Падляскай пятая версія iPhone каштавала 1499 злотых, то беларус атрымліваў «кэшбэк» 344,77 злотага.

Паводле польскай пракуратуры, у 2012—2013 гадах польскія мытнікі афармлялі і зацвярджалі дакументы, якія сведчылі аб вывазе мабільных тэлефонаў, за якія нібыта быў вернуты ПДВ. Пры гэтым самі апараты, як запэўнівалі іншаземцы, у гэтым выпадку грамадзяне Беларусі, не былі купленыя ў Польшчы і не вывозіліся імі. Па версіі следства, грошы ад вяртання падатку ішлі ў кішэні фігурантаў — мытнікаў.

Справа з айфонамі на мяжы пачалася з выбарачнай падатковай праверкі адной з фірмаў, якія гандлююць аўдыя— і відэатэхнікай у Белай Падляскай. Гэта яна прадавала беларусам тэлефоны. Інспектары выявілі ў кампаніі фіскальныя парушэнні, якія, аднак, не мелі дачынення да мытнікаў.

У 2020 годзе «справай айфонаў» зацікавілася пракуратура ў Любліне. У рамках прававой дапамогі і двухбаковых дамоваў следчыя папрасілі беларускую пракуратуру дапытаць уладальнікаў тэлефонаў. Беларусы катэгарычна адмаўлялі, што куплялі ў Польшчы нейкія айфоны і перасякалі з імі мяжу. І гэты факт аказаўся вырашальным для пракуратуры ў Любліне.

Gazeta Wyborcza паразмаўляла з некаторымі фігурантамі справы. Мытнікі сцвярджаюць, што, калі атрымалі пратаколы, высветлілі, хто сведчыў супраць іх.

«Мы старанна запісалі імёны і ўнеслі іх у нашу сістэму. Аказалася, што амаль усе, хто нас абвінавачвае, — кантрабандысты, дробныя злачынцы, — расказвае ананімны мытнік. — Кантрабандысты везлі айфоны, каб не плаціць высокія мыты ў Беларусі, якія сягаюць нават 40 працэнтаў іх цаны. Калі б яны раптам праз дзевяць гадоў прызналіся ў махлярстве, то маглі б трапіць у турму і страціць маёмасць».

Вядома, што пакуль абвінавачванні выстаўленыя 43 асобам. Але агулам у справе фігуруе больш за сотню мытнікаў. Гэта ў асноўным супрацоўнікі Люблінскай мытні і падатковай службы ў Белай Падляскай.

У абарону мытнікаў выступілі прафсаюзы. Старшыня Прафсаюза польскай мытні Славамір Сівы папрасіў генпракурора пракантраляваць расследаванне. Ён падкрэслівае, што на выстаўленне абвінавачанняў паўплывалі паказанні грамадзян Беларусі, апытаных беларускімі следчымі ў рамках прававой дапамогі.

«У кантэксце гібрыднай вайны, якую Беларусь вядзе з Польшчай, такія сведчанні не варта ўспрымаць як належнае», — падкрэслівае Сівы.

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
0
Максим Дизайнер / адказаць
20.09.2022
Какие беларусики недаверчывые!Усе свае - ауно, а поляки - молодцы. Из 6-и комментариев 5 - покрывают коррупционеров. Живите дальше в свое картофельном раю воров и бандюганов, не обляпайтесь. 
0
Сава / адказаць
20.09.2022
Что-то не понятно написано. Думаю беларуские котробандисты вывозили телефоны в Беларусь. На таможне отмечали Такс фри. Но одно дело один другое дело три четыре. Таможенники получали процент но для начальства вписывали белорусов. Потом контрбандисты забирали ватты из магазинов БелоПодляски. Но как могли таможенники вписать людей которые не были на погранпереходе. Не понятно.
0
даведка / адказаць
20.09.2022
Из своей электронная базы теоретически могли брать на любого, кто мимо проезжал. Кто-то из них врот.
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2021 2022 2023
верасень кастрычнік лістапад
ПН АЎ СР ЧЦ ПТ СБ НД
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31