Знайсці
19.09.2022 / 22:16РусŁacБел

Расія кантралюе Луганскую вобласць ужо не цалкам

Украінскія вайскоўцы адваявалі пасёлак Белагораўка ў Луганскай вобласці. Пра вызваленне населенага пункта побач з Лісічанскам паведаміў кіраўнік Луганскай абласной дзяржаўнай адміністрацыі Сяргей Гайдай. Гэтае сімвалічнае дасягненне азначае, што Расія больш не кантралюе ўвесь рэгіён цалкам.

Расійскія войскі кантралявалі ўсю Луганскую вобласць цягам апошніх двух з паловай месяцаў. Пасля доўгіх баёў Генеральны штаб Украіны ў ліпені прыняў рашэнне адступіць з гарадоў Севераданецк і Лісічанск.

Сяргей Гайдай адзначыў, што ў Белагораўку заходзілі расійскія акупанты, але цяпер яна зачышчаная і цалкам знаходзіцца пад кантролем УСУ. Таксама ён папярэдзіў, што дэакупацыя захопленых тэрыторый у Луганскай вобласці будзе праходзіць складаней, чым гэта было ў Харкаўскай вобласці. За кожны сантыметр луганскай зямлі, паводле яго, будзе весціся цяжкое змаганне.

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера