Знайсці
19.09.2022 / 22:30 19

«Наш гісторык кажа, што беларускай нацыі не існуе». Тыктокер, які няўдала паразважаў пра беларускую мову, патлумачыў, чаму так зрабіў

Адзін з тыктокаў Андрэя Серады выклікаў шквал абурэння — не толькі ў Тыктоку, але і ў Твітары. «Наша Ніва» пацікавілася ў трэцякурсніка архітэктурна-будаўнічага каледжа, чаму ён зняў гэты тыкток і ці не шкадуе, што яго зняў. 

Фота: сацыяльныя сеткі

Андрэй Серада вучыцца на 3 курсе у архітэктурна-будаўнічым каледжы ў Мінску на дызайнера. А яшчэ ён здымае тыктокі. 

Яго нік Weensdaay. У яго 19 тысяч падпісчыкаў, а асобныя тыктокі набіраюць да мільёна праглядаў. Сярод такіх, прыкладам, «Лік Грэма не такі ўжо і маленькі!» і «Нашай Галактыцы хутка прыйдзе канец!». «Прасоўваю навукпоп у Беларусі», — дэвіз яго старонкі. І вось адно з відэа ён прысвяціў тэме «Чаму беларуская мова знікае».

«Мова — гэта не годнасць нацыі, а спосаб камунікацыі, — сказаў ён у адным з тыктокаў. — Якой бы прыгожай яна ні была, чым гаворка больш распаўсюджаная, тым лягчэй нам камунікаваць. Людзі самі выбіраюць гаворку, на якой ім зручна размаўляць. У свеце ёсць шмат мёртвых моў, на якіх ніхто не гаворыць. І гэта не адмяняе акта іх прыгажосці. Напрыклад, латынь. Тое, што мова памірае, гэта нармальная з’ява. Гэта натуральны адбор, толькі ў плане камунікацыі», — разважаў тыктокер.

@weensdaay Почему белорусский язык исчезает? #белорусскийязык #weensdaay ♬ оригинальный звук - WENSDAY
 

Гэты тыкток Андрэя Серады выклікаў шквал абурэння — не толькі ў Тыктоку, але і ў Твітары. «Наша Ніва» пацікавалася ў трэцякурсніка архітэктурна-будаўнічага каледжа, чаму ён зняў гэты ролік і ці не шкадуе, што яго зняў. 

«Я сам беларус, нічога супраць беларускай мовы не маю, — расказаў Андрэй Серада «Нашай Ніве». — Проста казаў, чаму, на маю думку, яе становіцца менш.

Пачалі пісаць, што я ўвогуле нейкі расійскі агент,

такія думкі ў некаторых людзей, але я проста запісаў тыкток, у якім расказаў, чаму беларуская мова памірае. Што гэта можа павярнуцца ў нейкім іншым ключы, такіх думак у мяне не было.

У нас пазіцыянуюць, што без мовы мы не беларусы, а я сказаў, што мова — гэта спосаб камунікацыі». 

Ці дапускае Андрэй, што руская мова магла быць навязана беларусам?

«Наш прэзідэнт, магчыма, ідзе нешта ў бок Расіі. Але я па-за палітыкай, калі што.

Гэты ролік з беларускай мовай я здымаў проста як прыклад, там магла быць любая іншая мова.

Магчыма, гэта ўсё ідзе з расійскага боку, але я ў гэта ўсё залазіць не буду.

Дарэчы, наш гісторык кажа, што беларускай нацыі не існуе. Усё гэта частка Савецкага Саюза. Але я ў гэта не паглыбляўся», — расказвае хлопец. 

У школе для Андрэя беларуская мова была «звычайным прадметам». Вучыць яе яму складана не было. 

«У беларускай літаратуры асабліва няма чаго чытаць. Успамінаю, што былі там Максім Танк, Францішак Багушэвіч, вершы падабаліся. Але ў асноўным усё чытаў па школьнай праграме.

Да людзей, якія размаўляюць на беларускай, стаўлюся нармальна. Гэта іх выбар. 

Мова павінна быць у нацыі, але яе аднаўленнем павінен займацца дакладна не я. Гэта задача людзей, якія ва ўладзе знаходзяцца.

Калі ў іх інтарэсах працяг мовы, то яны нейкімі сіламі гэта зробяць. Калі проста людзі будуць гэта прасоўваць, я не думаю, што ў іх нешта атрымаецца.

Для пераходу на беларускую трэба шмат гадоў. Нашае пакаленне ўжо не будзе размаўляць па-беларуску. Можа быць, крыху наступнае і толькі нашы ўнукі, магчыма, цалкам», — лічыць тыктокер. 

Андрэй Серада кажа, што цяпер яму «пачаць размаўляць на беларускай будзе нязручна», таму што яго «не будуць разумець людзі». 

«У нас жа ў краіне большасць размаўляюць на рускай. Мае відэа не будуць залятаць у тыктоку з-за таго, што буду размаўляць на беларускай.

Беларускамоўных блогераў я не гляджу, бо зручней рускіх глядзець», — кажа ён. 

Дык а сам Андрэй як лічыць, ці існуе беларуская нацыя? 

«Напэўна існуе, але я нават не ведаю, як вам адказаць на гэтае пытанне, устрымаюся ад адказу. Я некампетэнтны ў гэтым пытанні», — падсумоўвае тыктокер.

Чытайце таксама: 

6 беларускамоўных ютуб-каналаў, якія вы маглі прапусціць

«Мая маці хоча новую краіну, яна разумее, што дзеля гэтага трэба пачаць з сябе». Дзяўчына расказала, як яе маці прыйшла да беларускай мовы

«Добра нам было б, калі дыназаўраў развялі б…» Новы мультверш Андрэя Скурко

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
1
трыбун / адказаць
20.09.2022
Ў Старажытным Рыме былі плебеі, ці плебс - насльніцтва не надзеленная палітычнымі правамі. Яны таксама  "не лезлі ў палітыку", таму што ім забараняў закон. Алё сення лезці ў палітыку не тое, што права кожнага грамадзяніна, а нават гамадзянскі абавязак. А не лезуць у палітыкі толькі люмпены, то бок розныя асацыяльныя элементы. Але люмпенаў пакінем ў баку, яны ёсць у кожнай краіне. А ў Беларусі зя'вілася немаля частка сучасных плебеяў, якія самі сябе пазбавілі палітычных правоў бо "как бы чего не вышло". Дыктатар чвэрць стагоддзя рабіў з грамадзян Беларусі пелебеяў, кожны раз паўтарае - не лезьте в политику, не лезьте в политку... І падмацоўваў свае словы рэпрэсіямі і тэрором. І ён часткова дамогся сваё мэты. Але ў мяне пытанне да юнака - ён тыпу круты тыктокер, будучы дызайнер, а насамрэч звычайны сучасны плебей. Не сорамна яму хадзіць з такім статусам?
10
Скукотищааа / адказаць
20.09.2022
Молодой человек, грамотный и адекватный, искренне высказал своё непонимание белорусских "национальных каштовностей", в том числе и "матчиной мовы". И вместо того, чтобы разобраться, почему так происходит и каким образом можно изменить такое отношение молодёжи (думаю, оно типично для сегодняшней РБ), те, кто считают себя "национально свядомыми", фактически организовали травлю парня. Очень сильно подозреваю, что подавляющее большинство этих сильно возмущённых сами не знают "матчиной мовы", и не смогут объяснить, в чём суть белорусской идентичности.
0
мухі і катлеты / адказаць
20.09.2022
Гость,
Не трэба блытаць народы, нацыі і этнасы. Гэта базывыя пытанні. Няма аўстрыйскага этнасу, а ёсць агульны нямецкі этнас. Некалі незалежнымі былі баварцы і саксонцы, і прусы, але ўсё адно гэта адзін германскі этнас. А сёння гэта незалежныя аўстрыйцы. Таксма не існуе швейарскага этнаса, і канадскага этнаса, то бок ў іх не было і не можа быць сваёй мовы. Гэта народы, які былі створаны на базе іншых этнасаў, таму выкарыстоўвацюь мову іншых этнасаў. А беларускі этнас існуе разам са сваё мовай, як, напрыклад, французскі ці сербскі. І адмаўялючыся ад мовы ты адмаўляешься ад свайго старажытнага этнасу са сваёй тысячагадовай гісторыяй.
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2021 2022 2023
верасень кастрычнік лістапад
ПН АЎ СР ЧЦ ПТ СБ НД
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31